కలం, వెబ్ డెస్క్ : ఇరాన్ ప్రభుత్వం తీవ్రమైన అంతర్గత విభేదాలతో సతమతమవుతున్న నేపథ్యంలో, ఆ దేశంపై జరపాల్సిన దాడులను తాత్కాలికంగా వాయిదా వేస్తున్నట్లు అమెరికా మాజీ అధ్యక్షుడు డొనాల్డ్ ట్రంప్ (Donald Trump) ఒక ప్రకటనలో తెలియజేశారు. పాకిస్థాన్ ఆర్మీ చీఫ్ ఫీల్డ్ మార్షల్ అసిమ్ మునీర్, ప్రధాన మంత్రి షెహబాజ్ షరీఫ్ చేసిన ప్రత్యేక విజ్ఞప్తిని పరిగణనలోకి తీసుకుని ఈ నిర్ణయం తీసుకున్నట్లు ఆయన పేర్కొన్నారు.
ఇరాన్ నాయకులు, ప్రతినిధులు అందరూ కలిసి ఒక ఉమ్మడి ప్రతిపాదనతో ముందుకు వచ్చే వరకు వేచి చూడాలని అమెరికా భావిస్తోంది. అప్పటివరకు ఇరాన్పై విధిస్తున్న ఆంక్షలు, సైనిక దిగ్బంధనం కొనసాగుతాయని ట్రంప్ స్పష్టం చేశారు. ఒకవేళ ఇరాన్ నుండి సరైన ప్రతిపాదన రాకపోతే లేదా చర్చలు విఫలమైతే తదుపరి చర్యలు ఉంటాయని, ప్రస్తుతానికి మాత్రం కాల్పుల విరమణను పొడిగిస్తున్నట్లు ఆయన వివరించారు. అమెరికా సైన్యం ఏ క్షణంలోనైనా చర్యలకు సిద్ధంగా ఉందని ఈ సందర్భంగా ఆయన హెచ్చరించారు.
