కలం, వెబ్ డెస్క్ : అభిమానులకు దీపికా, రణవీర్ సింగ్ జంట గుడ్ న్యూస్ చెప్పారు. దీపికా పదుకొణె (Deepika Padukone) మరోసారి తల్లి కాబోతున్నారు. ఈ విషయాన్ని దీపికా పదుకొణె సోషల్ మీడియాలో వెల్లడించారు. ఈ మేరకు తన కూతురు దువా చేతిలో ప్రెగ్నెన్సీ టెస్టు కిట్ పట్టుకున్న ఫొటోను ఆమె ఇన్ స్టా లో పోస్ట్ చేశారు. దీంతో పలువురు బాలీవుడ్ సెలెబ్రిటీలు, అభిమానులు, నెటిజన్లు ఈ జంటకు కంగ్రాట్స్ చెబుతున్నారు.
కాగా, దీపికా పదుకొణె, రణ్ వీర్ సింగ్ ల జోడికి నెట్టింట్లో ఫుల్ క్రేజ్ ఉన్న సంగతి తెలిసిందే. ఈ ఇద్దరూ కలిసి చేసిన చిత్రాలు బాక్సాఫీస్ ను షేక్ చేశాయి. రామ్ లీలా, బాజీరావు మస్తానీ, పద్మావతి వంటి చిత్రాల్లో వీరిద్దరూ కలిసి నటించారు. వీరిద్దరూ 2018 లో వివాహం చేసుకోగా.. 2024లో ఈ జంటకు కూతురు జన్మించింది. ఇదిలాఉంటే రణవీర్ సింగ్ ఇటీవల నటించిన ధురంధర్ 2 బాక్సాఫీస్ వద్ద భారీ కలెక్షన్లను రాబట్టిన సంగతి తెలిసిందే. దీపికా పదుకొణె ప్రస్తుతం ఐకాన్ స్టార్ అల్లు అర్జున్, అట్లీ కాంబినేషన్ లో రానున్న ‘రాకా’ సినిమాలో నటిస్తున్నారు.
