కలం, వెబ్ డెస్క్: ఢిల్లీ క్యాపిటల్స్ కెప్టెన్ అక్షర్ పటేల్(Axar Patel)కు దక్షిణాఫ్రికా దిగ్గజ పేసర్ డేల్ స్టెయిన్ (Dale Steyn) కీలక సూచన చేశారు. ఈ సీజన్లో అక్షర్ తన బౌలింగ్పై మరింత దృష్టి పెట్టాలని, జట్టు కోసం ఎక్కువ ఓవర్లు వేయాలని స్టెయిన్ కోరారు. ముఖ్యంగా గత సీజన్లో కెప్టెన్గా ఉన్నప్పుడు అక్షర్ తన బౌలింగ్ను తక్కువగా వాడుకోవడంపై స్టెయిన్ ఆశ్చర్యం వ్యక్తం చేశారు. 2025 సీజన్లో అక్షర్ పటేల్ బౌలింగ్ గణాంకాలు అంత ఆశాజనకంగా లేవు. 11 ఇన్నింగ్స్లలో కేవలం 34 ఓవర్లు మాత్రమే వేసిన ఆయన, 5 వికెట్లు తీశారు. 57.60 సగటుతో పరుగులు ఇస్తూ, 8.47 ఎకానమీని నమోదు చేశారు. ఇది 2018 తర్వాత ఆయన కెరీర్లోనే అత్యంత తక్కువ వికెట్ల సంఖ్య కావడం గమనార్హం.
అయితే బ్యాటింగ్లో మాత్రం 157.48 స్ట్రైక్ రేట్తో 263 పరుగులు చేసి మెప్పించారు. సాధారణంగా బౌలర్లు కెప్టెన్లుగా ఉన్నప్పుడు, తాము ఓవర్లు వేసుకుంటే స్వార్థంగా కనిపిస్తుందేమోనన్న ఆలోచనతో ఇతర బౌలర్లకు అవకాశం ఇస్తుంటారని స్టెయిన్ అభిప్రాయపడ్డారు. కానీ అక్షర్ టీమ్ ఇండియాలో కీలక ఆటగాడని, ఢిల్లీ జట్టులోని యువకులు ఆయనను ఆదర్శంగా తీసుకుంటారని గుర్తు చేశారు. అందుకే కోచ్తో చర్చించి ఈసారి ఎక్కువ ఓవర్లు వేయాలని సూచించారు.
లక్నో సూపర్ జెయింట్స్ (LSG)తో జరగనున్న మ్యాచ్లో మిచెల్ మార్ష్, ఎయిడెన్ మార్క్రామ్ వంటి కుడిచేతి వాటం బ్యాటర్లను కట్టడి చేసేందుకు అక్షర్ పవర్ప్లేలో ఒక ఓవర్ వేయాలని స్టెయిన్ సూచించారు. అలాగే మిడిల్ ఓవర్లలో కుల్దీప్ యాదవ్తో కలిసి బౌలింగ్ చేయడం ద్వారా ప్రత్యర్థిపై ఒత్తిడి పెంచవచ్చని తెలిపారు. అక్షర్ పటేల్కు (Axar Patel) ఐపీఎల్లో ఘనమైన రికార్డు ఉంది. ఇప్పటివరకు 162 మ్యాచ్ల్లో 128 వికెట్లు పడగొట్టారు. గత సీజన్ లోపాలను సరిదిద్దుకుని, ఈసారి కెప్టెన్గా, బౌలర్గా అక్షర్ ఎలా రాణిస్తారో చూడాలి.
Read Also: గుజరాత్ జట్టులో ఏం మార్పులు రావాలో చెప్పిన రాయుడు !
Follow Us On: Instagram
