కలం, వెబ్ డెస్క్: రాజస్థాన్ రాయల్స్తో జరుగుతున్న ఈ కీలక పోరులో చెన్నై సూపర్ కింగ్స్ (CSK) ఆరంభంలోనే పీకల్లోతు కష్టాల్లో పడిపోయింది. పవర్ప్లే ముగియకముందే కేవలం 19 పరుగులకే 3 ప్రధాన వికెట్లు కోల్పోయి సీఎస్కే అభిమానులను తీవ్ర నిరాశకు గురిచేసింది. ముఖ్యంగా తన పాత జట్టుపైనే పసుపు జెర్సీలో అరంగేట్రం చేసిన సంజూ శాంసన్, కేవలం 6 పరుగులు (7 బంతులు, 1 ఫోర్) మాత్రమే చేసి నాండ్రే బర్గర్ వేసిన 140 కిలోమీటర్ల వేగవంతమైన బంతికి క్లీన్ బౌల్డ్ అయ్యాడు. కనీస ఫుట్ వర్క్ లేకుండా భారీ షాట్కు ప్రయత్నించిన శాంసన్, బంతి వేగాన్ని అంచనా వేయలేక ఆఫ్ స్టంప్ను కోల్పోయాడు.
ఆ వెంటనే క్రీజులోకి వచ్చిన యువ బ్యాటర్ ఆయుష్ మాత్రే ఎదుర్కొన్న తొలి బంతికే డకౌట్గా వెనుదిరగడం చెన్నైని కోలుకోలేని దెబ్బ తీసింది. బర్గర్ వేసిన నిప్పులు చెరిగే బౌన్సర్ను పుల్ చేసే క్రమంలో బంతి మాత్రే గ్లౌజ్ను తాకుతూ కీపర్ జురెల్ చేతుల్లో పడింది. మొదట అంపైర్ నాటౌట్ ఇచ్చినప్పటికీ, రాజస్థాన్ రివ్యూ తీసుకోవడంతో అల్ట్రా ఎడ్జ్లో స్పష్టమైన స్పైక్ కనిపించి మాత్రే అవుటయ్యాడు.
ప్రస్తుతం 3.1 ఓవర్ల తర్వాత చెన్నై స్కోరు 19/3గా ఉంది. రాజస్థాన్ బౌలర్ నాండ్రే బర్గర్ కేవలం 1.1 ఓవర్లలో 3 పరుగులు మాత్రమే ఇచ్చి 2 వికెట్లు తీసి చెన్నై బ్యాటింగ్ లైనప్ను కకావికలం చేశాడు. మరోవైపు జోఫ్రా ఆర్చర్ కూడా 2 ఓవర్లలో 11 పరుగులు ఇచ్చి ఒక వికెట్ పడగొట్టాడు. క్రీజులో కొత్త బ్యాటర్ మాథ్యూ షార్ట్ ఇప్పుడే అడుగుపెట్టాడు. ఆరంభంలోనే వరుస వికెట్లు కోల్పోయిన సీఎస్కే (CSK) ఇప్పుడు ఈ క్లిష్ట పరిస్థితి నుండి ఎలా గట్టెక్కుతుందో చూడాలి.
Read Also: గణపతిపై అమిత్ షా పరోక్ష వ్యాఖ్యలు
Follow Us On : WhatsApp
