కలం, వెబ్ డెస్క్: బీఆర్ఎస్ చీఫ్, మాజీ సీఎం కేసీఆర్ పై సీఎం రేవంత్ రెడ్డి (CM Revanth Reddy) తీవ్ర వ్యాఖ్యలు చేశారు. సిరిసిల్ల బహిరంగ సభా వేదికగా మాట్లాడుతూ.. బీఆర్ఎస్ హయాంలో నిర్మించిన కాళేశ్వరం ప్రాజెక్టు(Kaleshwaram Project)లో కేసీఆర్ రూ.లక్ష కోట్లు కొల్లగొట్టారని ఆగ్రహం వ్యక్తం చేశారు. కేసీఆర్ కుటుంబానికి ఏ పని చేస్తే రూ. లక్ష కోట్లు వచ్చాయో చెప్పాలని నిలదీశారు. ఆయన సడ్డకుడి కొడుకు సంతోష్ రావు మానేరు ఇసుక కొల్లగొట్టారని ఫైర్ అయ్యారు. కేటీఆర్ (KTR) తో కలిసి రూ. వేల కోట్లు దోపిడీ చేసింది నిజం కదా? అని ప్రశ్నించారు.
నేరెళ్ల ఘటనలో దళితులను లారీలతో తొక్కించింది నిజం కాదా? అని నిలదీశారు. దళిత బిడ్డల్ని పోలీస్ స్టేషన్ లో చిత్ర హింసలు పెట్టలేదా? అని ఫైర్ అయ్యారు. పాలమూరు జిల్లాలో కేసీఆర్ ను గెలిపించినా అక్కడ మార్పు రాలేదని మండిపడ్డారు. తండ్రి కొడుకులను గెలిపిస్తే రూ. లక్ష కోట్లు సంపాదించుకున్నారని ఆరోపించారు. అమెరికాలో ఎన్ని చిప్పలు కడిగితే రూ.లక్షల కోట్లు వస్తాయని రేవంత్ రెడ్డి (Revanth Reddy) విమర్శించారు.
Also Read : బీఆర్ఎస్ పాలనలో ఉరిసిల్లగా మారిన సిరిసిల్ల : సీఎం రేవంత్
Follow Us On: X(Twitter)
