కలం, వెబ్ డెస్క్: మెగాస్టార్ చిరంజీవి అత్యంత ప్రతిష్టాత్మక ప్రాజెక్ట్ విశ్వంభర (Vishwambhara) మూవీ ప్రస్తుతం పోస్ట్ ప్రొడక్షన్, భారీ వీఎఫ్ఎక్స్ పనుల దశలో ఉంది. గతంలో విడుదలైన టీజర్పై వచ్చిన విమర్శల దృష్ట్యా, గ్రాఫిక్స్ నాణ్యత విషయంలో రాజీ పడకూడదని చిత్ర యూనిట్ ప్రత్యేక శ్రద్ధ తీసుకుంటోంది. అందుకే ముందుగా అనుకున్న విడుదల తేదీలు మారాయి. షూటింగ్ దాదాపు పూర్తయినప్పటికీ, అత్యున్నత స్థాయి విజువల్స్ అందించాలనే ఉద్దేశంతో దర్శకుడు వశిష్ట, యువీ క్రియేషన్స్ బృందం సమయం తీసుకుంటుందట. ప్రస్తుతం ఉన్న సమాచారం ప్రకారం.. ఈ చిత్రం 2026 వేసవి కానుకగా ప్రేక్షకుల ముందుకు వచ్చే అవకాశం ఉంది.
ఈ సినిమాకు సంబంధించిన అప్డేట్స్ కోసం మెగా అభిమానులు ఎంతో ఆసక్తిగా ఎదురుచూస్తున్నారు. తాజా సమాచారం ప్రకారం.. మేకర్స్ త్వరలోనే డబుల్ ట్రీట్ ఇవ్వడానికి సిద్ధమవుతున్నారు. ఒకేసారి సినిమా పవర్ఫుల్ ట్రైలర్ను విడుదల చేస్తూ, దానితో పాటే అధికారిక విడుదల తేదీని కూడా ప్రకటించాలని ప్లాన్ చేస్తున్నారు. ఉగాది, శ్రీరామనవమి వంటి పండగలకు అప్డేట్ వస్తుందని ఆశించినా, ఇతర సినిమాల సందడి వల్ల చిత్ర యూనిట్ కొంత సమయం తీసుకుంది. చిరంజీవి (Chiranjeevi) పుట్టినరోజు (ఆగస్టు) నాటికి లేదా అంతకంటే ముందే సినిమాను థియేటర్లలోకి తీసుకొచ్చేందుకు మేకర్స్ ప్లాన్ చేస్తున్నారు.
