కలం, వెబ్ డెస్క్: అనంతపురం (Anantapur) జిల్లాలో అంతర్జాతీయ క్రికెట్ బెట్టింగ్ (Cricket Betting) ముఠా గుట్టును పోలీసులు రట్టు చేశారు. ఈ కేసుకు సంబంధించిన వివరాలను జిల్లా ఎస్పీ జగదీశ్ మీడియాకు వెల్లడించారు. ఫిలిప్పీన్స్ కేంద్రంగా ఆన్లైన్ వేదికగా సాగుతున్న ఈ భారీ బెట్టింగ్ నెట్వర్క్పై దాడులు నిర్వహించి, మొత్తం 10 మందిని అరెస్ట్ చేసినట్లు పేర్కొన్నారు. నిందితుల నుంచి రూ.19.70 లక్షల నగదు, ఒక కారు, 4 బైకులు, 3 ల్యాప్టాప్లను స్వాధీనం చేసుకున్నామని వివరించారు. అంతేకాకుండా నిందితులకు సంబంధించిన 9 బ్యాంకు ఖాతాల్లో ఉన్న రూ.18.20 లక్షల నగదును పోలీసులు ఫ్రీజ్ చేశారు. సాంకేతిక పరిజ్ఞానాన్ని ఉపయోగించి నిర్వహిస్తున్న ఇటువంటి అక్రమ కార్యకలాపాలపై కఠిన చర్యలు తీసుకుంటామని ఎస్పీ వార్నింగ్ ఇచ్చారు.
