కలం, వెబ్ డెస్క్ : బాలీవుడ్ మెగాస్టార్ అమితాబ్ బచ్చన్ (Amitabh Bachchan) ‘కౌన్ బనేగా కరోడ్‌పతి’ 18వ సీజన్ చిత్రీకరణలో ప్రమాదవశాత్తు జారిపడటంతో ఆయన మోకాలికి గాయమైంది. సాధారణంగా ఈ కార్యక్రమంలో తన ప్రారంభ సంభాషణలను నిలబడి వినిపించే అమితాబ్, ఈసారి నిలబడటంలో ఇబ్బంది ఉండటంతో కుర్చీలో కూర్చునే వేదికను ప్రారంభించారు.
తమ ప్రియతమ నటుడి ఆరోగ్యంపై అభిమానులు ఆందోళన వ్యక్తం చేయడంతో బిగ్ బి వారందరికీ స్వయంగా ధైర్యం చెప్పారు. తన గాయం పెద్దది కాదని, వైద్యుల పర్యవేక్షణలో త్వరలోనే పూర్తిస్థాయిలో కోలుకుంటానని భరోసా ఇచ్చారు. అమితాబ్ త్వరితగతిన కోలుకోవాలని కోరుకుంటూ ఆయన అభిమానులు, చిత్ర ప్రముఖులు సామాజిక మాధ్యమాల్లో సందేశాలు పంపుతున్నారు.
Also Read: దేవుళ్లపై కూడా రాజకీయాలు చేస్తారా?: కిషన్ రెడ్డి
Follow Us On : WhatsApp
