టీమిండియా ఓటములపై సీనియర్ ప్లేయర్, టీమిండియా మాజీ కెప్టెన్ కపిల్ దేవ్(Kapil Dev) స్పందించారు. గతంలో ఉన్నంత బలమైన బ్యాటర్లు ప్రస్తుతం భారత్ టీమ్‌లో లేరని అన్నారు. స్వదేశంలో దక్షిణాఫ్రికా చేతిలో భారత్ 2-0 తేడాతో టెస్ట్ సిరీస్‌ కోల్పోవడంతో భారత జట్టు భవిష్యత్తుపై ప్రశ్నలు తలెత్తుతున్నాయి. ప్రస్తుతం భారత జట్టు సరైన దిశగా పయనిస్తోందా అనే చర్చ తీవ్రంగా కొనసాగుతోంది. ఈ నేపథ్యంలో 1983 ప్రపంచకప్ విజేత భారత జట్టుకు నాయకత్వం వహించిన లెజెండరీ ఆల్‌రౌండర్ కపిల్ దేవ్ కీలక వ్యాఖ్యలు చేశారు. టెస్ట్ బ్యాటింగ్ కోసం ప్రత్యేక నైపుణ్యం అవసరమని అన్నారు.
ప్రస్తుతం టీ20లు, వన్డేలు ఎక్కువగా ఆడడం వల్ల బ్యాటర్లలో టెస్ట్ నైపుణ్యాలు తగ్గుతున్నాయని కపిల్ దేవ్(Kapil Dev) స్పష్టం చేశారు. “ఇప్పుడు మనం ఎక్కువగా టీ20లు, వన్డేలు ఆడుతున్నాం. దీంతో బౌలింగ్‌కు అనుకూలించే పిచ్‌లపై ఆడే అవకాశాలు చాలా తక్కువ. స్పిన్, పేస్ పిచ్‌లపై బ్యాటర్లు ఓపిక ప్రదర్శించాలి. ప్రత్యేక నైపుణ్యం అవసరం,” అని ఆయన అన్నారు. “రాహుల్ ద్రవిడ్, వీవీఎస్ లక్ష్మణ్‌లాంటి క్రీజులో పాతుకుపోయే బ్యాటర్లు ఇప్పుడు మన దగ్గర లేరు. టెస్ట్ క్రికెట్ అంటే క్రీజులో పాతుకుపోవడమే,” అని కపిల్ దేవ్ స్పష్టం చేశారు.
Read Also: రో-కోకు అడ్డంకి లేదు.. అప్పటి వరకు ఆడొచ్చు: మోర్నీ మోర్కెల్
Follow Us On: X(Twitter)
