హైదరాబాద్ ఆర్‌టీసీ క్రాస్ రోడ్స్ దగ్గర ఉన్న సంధ్య థియేటర్(Sandhya Theatre) దగ్గర ఉద్రిక్త పరిస్థితి నెలకొంది. థియేటర్లలో టికెట్, స్నాక్స్, పార్కింగ్ కోసం వసూలు చేస్తున్న అధిక రేట్లపై ప్రేక్షక ప్రపంచం తిరుగబావుటా ఎగరవేసింది. వీవైఎస్ కార్యకర్తలు ఈ అంశంపై సంధ్య థియేటర్ దగ్గర సంతకాల సేకరణ చేపట్టారు. థియేటర్‌కు వచ్చిన అనేక మంది ప్రేక్షకులు సంతకాలు చేశారు. ఈ క్రమంలోనే పీవైఎల్ కార్యకర్తలకు, థియేటర్ సిబ్బందికి మధ్య వాగ్వాదం చోటు చేసుకుంది. కావాలంటే కేసులు పెట్టుకోవాలని, అలా కాకుండా థియేటర్ దగ్గర న్యూసెన్స్ చేయడం సరికాదని భద్రతా సిబ్బంది హెచ్చరించింది. అయినా పీవైఎల్ కార్యకర్తలు తమ సంతకాల సేకరణ కార్యక్రమాన్ని ఆపలేదు.
అయితే ఇటీవల పైరసీ వెబ్‌సైట్ ఐబొమ్మ నిర్వాహకుడు ఇమ్మడి రవి అరెస్ట్ తర్వాత.. టికెట్ రేట్లు, థియేటర్లలో స్నాక్స్ రేట్ల అంశం తీవ్ర చర్చలకు దారి తీసింది. ఆ రేట్ల కారణంగా ప్రజలు చాలా మంది పైరసీ వైపు మొగ్గు చూపుతున్నారని చాలా మంది తెలిపారు. అదే సమయంలో సినిమా నిర్మాతలు.. రేట్ల పెరుగుదలలో తమకేమీ ఉందని, థియేటర్‌కు వెళ్లి ఒక ఫ్యామిలీ రూ.30వేలు ఖర్చు పెట్టినా తమకు వచ్చేది టికెట్ రేట్‌లో 17శాతం మాత్రమేనని వివరణ ఇచ్చుకున్నారు. దీంతో అందరి దృష్టి.. థియేటర్‌లో స్నాక్స్ రేట్లపై పడింది. వాటి రేట్లకు వ్యతిరేకంగా నిరసన మొదలైందని, అందుకు సంధ్య థియేటర్(Sandhya Theatre) ఘటన ఒక ఉదాహరణ అని విశ్లేషకులు అభిప్రాయపడుతున్నారు.
Read Also: బాలీవుడ్ హీరోలను విలన్స్‌గానే చూపుతున్నారు: సునీల్
Follow Us On : Youtube
