Vizag | ప్రస్తుతం పెళ్లిళ్లు ఎంత ఆడంబరంగా చేసుకుంటున్నారో చూస్తూనే ఉన్నాం. మధ్యతరగతి కుటుంబాలకు చెందిన వారు కూడా లక్షలు లక్షలు పోసి అట్టహాంగా వివాహాలు చేసుకుంటున్నారు. అదే ఐఏఎస్, ఐపీఎస్ అధికారులు వధూవరూలైతే ఆ పెండ్లిళ్లు మరింత గ్రాండ్ గా జరగుతున్నాయి. కానీ ఓ యువ ఐఏఎస్ అధికార జంట అందుకు భిన్నంగా నిరాడంబరంగా రిజిస్టర్ మ్యారేజ్ చేసుకున్నారు. ఆంధ్రప్రదేశ్ కేడర్‌కు చెందిన తిరుమణి పూజ(Tirumani Sri Pooja) ఐఏఎస్ అధికారి. మరో ఐఏస్ అధికారి ఆదిత్య వర్మ(Aditya Varma) శుక్రవారం విశాఖ రిజిస్ట్రార్‌ కార్యాలయంలో రిజిస్టర్ మ్యారేజ్ ద్వారా వివాహం చేసుకున్నారు.
వివాహ వేడుకకు ఇరువురు కుటుంబాల సభ్యులు మాత్రమే హాజరయ్యారు. భారీగా అతిథుల ఆహ్వానం, భారీ హాల్స్‌, డెకరేషన్స్‌, ఆడంబర కార్యక్రమాలు ఎటువంటి ఏర్పాట్లూ లేకుండా, ప్రభుత్వ కార్యాలయంలో కొద్ది నిమిషాల్లోనే ఈ వివాహం సాఫీగా ముగిసింది. ఇద్దరూ ఉన్నత పదవుల్లో ఉన్నప్పటికీ… ఆర్భాటాలేమీ లేకుండా సాధారణ పద్ధతిలో వివాహం చేసుకోవడం సమాజంలో మంచి సందేశంగా నిలుస్తోంది.
ఈ సందర్భంగా Vizag రిజిస్ట్రార్‌ కార్యాలయం వెలుపల సాదాసీదాగా ఫోటోలు దిగిన జంటను చూసి అక్కడివారు కూడా అభినందనలు తెలియజేశారు. యువతకు ఆదర్శంగా నిలిచేలా ఈ నిర్ణయం ఉన్నదని పలువురు అభిప్రాయపడుతున్నారు.
Read Also: గోల్ఫ్‌లో చరిత్ర సృష్టించిన ప్రణవి ఉర్స్
Follow Us on: Youtube
