భారత్ గోల్ఫ్‌లో యువ గోల్ఫర్ ప్రణవి ఉర్స్(Pranavi Urs) చరిత్ర సృష్టించారు. అద్భుత ప్రదర్శనతో అదరగొట్టారు. ఆమె సాధించిన విజయం భారత గోల్ఫ్ రంగంలో అరుదైన, అద్భుతమైన అధ్యాయంగా నిలుస్తోంది. పురుషులతో సమానంగా పోటీ చేసి, వారిని అధిగమించి, ఒక ప్రొఫెషనల్ టోర్నీలో విజేతగా నిలిచారామే. అంతేకాకుండా ఇటువంటి ఘనత సాధించిన తొలి భారతీయ మహిళా గోల్ఫర్ గా ఆమె ప్రణవి రికార్డ్ సృష్టించారు. ముంబైలోని బాంబే ప్రెసిడెంట్ గోల్ఫ్ క్లబ్ లో నిర్వహించిన ఇండియన్ గోల్ఫ్ ప్రీమియర్ లీగ్ ఇన్విటేషనల్ టోర్నమెంట్‌లో ఈ చారిత్రాత్మక ఘట్టం చోటు చేసుకుంది.
ఫైనల్ రౌండ్ మొదలయ్యే సమయానికి ప్రణవి(Pranavi Urs), తన సహచరుడు, ముందంజలో ఉన్న కరణ్‌దీప్ కొచ్చర్ కంటే రెండు షాట్లు వెనుకబడి ఉన్నారు. అయితే నిర్ణయాత్మకమైన ఆఖరి రోజు, ప్రణవి అదిరిపోయే ప్రదర్శన కనబరిచారు. ఎటువంటి తప్పులు చేయకుండా 8-అండర్ స్కోర్‌తో అద్భుతమైన ఆటతీరు కనబరిచి, రెండు షాట్ల తేడాతో టైటిల్‌ను కైవసం చేసుకున్నారు. విజేతగా నిలిచిన ప్రణవికి రూ.22.5 లక్షల ప్రైజ్ మనీ లభించగా, రన్నర్‌అప్‌గా ముగించిన కరణ్‌దీప్‌కు రూ. 15 లక్షలు అందాయి.
ఈ చారిత్రక విజయం పట్ల IGPL సీఈఓ ఉత్తమ్ సింగ్ ముండీ స్పందిస్తూ, “పురుష ప్రత్యర్థులను ఓడించి ఒక మహిళ టైటిల్ గెలవడం మా లీగ్‌కు గర్వకారణం. ఇది నిజంగా సంచలన ఘనత” అని అభినందించారు.
Read Also: కొత్త రాగం పాడటానికి రెడీ అవుతున్న మంచు మనోజ్..!
Follow Us on : Pinterest
