కలం, వెబ్ డెస్క్ : వరల్డ్ కప్ ముందు న్యూజిలాండ్ (New Zealand) కు షాక్ తగిలింది. ఆల్రౌండర్ మైఖేల్ బ్రేస్వెల్ (Michael Bracewell) టోర్నమెంట్ నుంచి తప్పుకున్నట్లు బోర్డు ప్రకటించింది. భారత్తో వన్డే సిరీస్లో కాల్ఫ్ కండరానికి గాయం అయింది. రీహాబిలిటేషన్ కొనసాగుతుండగానే ఫిబ్రవరి 8న వార్మప్ సమయంలో మళ్లీ అదే గాయం తీవ్రమైంది. కనీసం మూడు వారాలు విశ్రాంతి అవసరమని వైద్యులు సూచించారు. దీంతో కోల్ మెకాన్చీ (Cole McConchie) ని రిజర్వ్గా ఎంపిక చేశారు. సమాన స్థాయి ఆల్రౌండర్గా ఆయన జట్టుతో భారతదేశంలో కలవనున్నారు. మెకాన్చీ 12 టీ20 అంతర్జాతీయ మ్యాచ్లు ఆడారు. టీ20 కెరీర్లో 83 వికెట్లు, 1,920 పరుగులు నమోదు చేశారు. ఇటీవల ఫోర్డ్ ట్రోఫీలో తక్కువ ఎకానమీతో ఆకట్టుకున్నారు.
జట్టు కోచ్ రాబ్ వాల్టర్ బ్రేస్వెల్కు మద్దతు తెలిపారు అని బోర్డు వెల్లడించింది. వరల్డ్ కప్ మిస్ అవడం కఠినమని పేర్కొన్నట్లు తెలిపింది. మెకాన్చీ (Cole McConchie) అనుభవం జట్టుకు ఉపయోగపడుతుందని విశ్వాసం వ్యక్తం చేసినట్లు పేర్కొన్నారు. ఫిబ్రవరి 14న అహ్మదాబాద్లో దక్షిణాఫ్రికాతో మ్యాచ్కు ముందు మెకాన్చీ జట్టులో చేరనున్నారు. ప్రస్తుతం గ్రూప్-డి పట్టికలో కివీస్ అగ్రస్థానంలో ఉన్నారు. ఆఫ్ఘానిస్తాన్, యూఏఈపై వరుస విజయాలు సాధించారు. టోర్నమెంట్ మధ్య ఈ మార్పు జట్టుపై ప్రభావం ఎలా ఉంటుందో చూడాలి.
Read Also: డబుల్ సూపర్ ఓవర్.. సౌతాఫ్రికా విక్టరీ
Follow Us On: Sharechat
