కలం, మెదక్ బ్యూరో: మేడారం సమ్మక్క సారలమ్మ జాతరకు మాజీ ముఖ్యమంత్రి, బీఆర్ఎస్ అధినేత కేసీఆర్ వెళ్లనున్నారు (KCR to visit Medaram). ఈ మేరకు ఆయన అంగీకరించారని మంత్రులు కొండా సురేఖ, సీతక్క తెలిపారు. గురువారం సిద్ధిపేట జిల్లా మర్కూర్ మండలం ఎర్రవల్లిలోని వ్యవసాయ క్షేత్రంలో కేసీఆర్ దంపతులను మంత్రులు కలిశారు. పట్టువస్త్రాలు పెట్టి, మేడారం మహా జాతర ఆహ్వాన పత్రికను వాళ్లకు అందించారు. అనంతరం మంత్రులు సురేఖ, సీతక్క మాట్లాడుతూ.. తెలంగాణ ఆడబిడ్డలుగా ప్రతిపక్ష నాయకుడు కేసీఆర్ దగ్గరకు వచ్చామని, చీర పెట్టి కేసీఆర్ దంపతులు సాదరంగా ఆహ్వానించారని తెలిపారు. మేడారం జాతరకు రమ్మని తాము ఆహ్వానించగా, ఆయన సానుకూలంగా స్పందించారని వెల్లడించారు. హెలికాప్టర్లో సతీసమేతంగా మేడారం జాతరకు వచ్చే ప్రయత్నం చేస్తానని కేసీఆర్ అన్నారని వెల్లడించారు. సీఎం రేవంత్ రెడ్డి చొరవతో సుమారు రూ.200కోట్లతో మేడారంలో శాశ్వత గద్దెలు, ఇతర నిర్మాణాలు, అభివృద్ధి పనులు చేపట్టినట్లు మంత్రులు పేర్కొన్నారు. ఈసారి మేడారం జాతరను ప్రభుత్వం ఘనంగా నిర్వహిస్తోందని, జాతరకు రావాల్సిందిగా అందరినీ ఆహ్వానిస్తున్నామని తెలిపారు.
Read Also: పంట నిల్వకు రూట్ మ్యాప్ : మంత్రి ఉత్తమ్
Follow Us On : WhatsApp
