కలం, స్పోర్ట్స్: భారత టెస్టు జట్టులోకి తిరిగి రావాలన్న సర్ఫరాజ్ ఖాన్ (Sarfaraz Khan) ఆశలకు మరోసారి బ్రేక్ పడింది. శ్రీలంకతో టెస్టు సిరీస్కు అతడిని ఎంపిక చేయలేదు. కానీ ముంబై బ్యాటర్ మాత్రం తాను ఇంకా పోరాటంలోనే ఉన్నాననే సంకేతం ఇచ్చాడు. ఇన్స్టాగ్రామ్లో సర్ఫరాజ్ పెట్టిన ఓ స్టోరీ ఇప్పుడు అందరి దృష్టిని ఆకర్షిస్తోంది. 2019 తెలుగు సినిమా ‘జెర్సీ’లోని ఓ సన్నివేశాన్ని అతను షేర్ చేశాడు. తాను సరిపోకపోయినా తన శక్తినంతా పెట్టి పోరాడతాననే భావన వచ్చేలా ఆ పోస్టు ఉంది.
అసలు సర్ఫరాజ్ (Sarfaraz Khan) రికార్డు చూస్తే ఈ పరిస్థితి ఆసక్తికరంగానే కనిపిస్తుంది. 62 ఫస్ట్క్లాస్ మ్యాచ్లు. సగటు 64.73. కానీ భారత్ తరఫున కేవలం ఆరు టెస్టులు మాత్రమే. 2024లో న్యూజిలాండ్తో జరిగిన బెంగళూరు టెస్టులో సర్ఫరాజ్ 150 పరుగులు చేశాడు. అదే సిరీస్లో తర్వాతి ఇన్నింగ్స్ల్లో మాత్రం పెద్దగా రాణించలేదు. అత్యధిక స్కోరు 11 మాత్రమే. బోర్డర్-గవాస్కర్ ట్రోఫీకి కూడా జట్టులో ఉన్నాడు. కానీ ఆస్ట్రేలియాలో ఒక్క మ్యాచ్ కూడా ఆడలేదు.
ఇంగ్లండ్ పర్యటనలో భారత్ ఏ జట్టులో ఉన్నా ప్రధాన టెస్టు జట్టులోకి మాత్రం రాలేకపోయాడు. ఇక ఫిట్నెస్ విషయంలోనూ సర్ఫరాజ్ మార్పు చూపించాడు. బరువు తగ్గాడు. కండిషనింగ్ మెరుగుపర్చుకున్నాడు. 2026 ఐపీఎల్ అతనికి మరో అవకాశం ఇచ్చింది. గత రెండు వేలాల్లో అమ్ముడుపోని అతడిని చెన్నై సూపర్ కింగ్స్ తీసుకుంది. 161 పరుగులతో మెరిశాడు. స్ట్రైక్రేట్ 169.47. రెండు అర్ధసెంచరీలు కూడా చేశాడు.
అయినా శ్రీలంక టెస్టు జట్టులో చోటు రాలేదు. ప్రస్తుతం భారత్ కొలంబోలో మూడు రోజుల వార్మప్ మ్యాచ్ ఆడుతోంది. ఆగస్టు 15వ తేదీన గాలేలో తొలి టెస్టు మొదలవుతుంది. రెండో టెస్టు కొలంబోలోని సింహళీస్ స్పోర్ట్స్ క్లబ్లో జరగనుంది. ఇప్పుడు సర్ఫరాజ్ ముందున్నది ఒక్కటే దారి. తన ప్రదర్శనతో మరోసారి సెలెక్టర్ల దృష్టిని ఆకర్షించడం. అతని తదుపరి అవకాశాలు ఎలా ఉంటాయన్నది వేచి చూడాల్సిందే.
Also Read : ఆష్లి గార్డనర్ వైస్ కెప్టెన్సీకి ముప్పు.. భార్య సంచలన వ్యాఖ్యలు
Follow Us On : WhatsApp
