కలం, సినిమా : టాలీవుడ్లో ఎంతో ఆసక్తిగా ఎదురుచూస్తున్న ‘హనుమాన్’ 3D (HanuMan 3D) ట్రైలర్ను ఫిలిం మీడియా ప్రతినిధులు, కొంతమంది ప్రేక్షకులకు ప్రత్యేకంగా ప్రదర్శించారు. ఈ ప్రదర్శన ప్రసాద్ పీసీఎక్స్ స్క్రీన్పై నిర్వహించగా, వీక్షకులకు అద్భుతమైన థియేట్రికల్ అనుభవం లభించింది. ట్రైలర్తో పాటు ప్రత్యేకంగా ఒక షోరీల్ను కూడా ప్రదర్శించారు. ఈ షోరీల్లో చిత్రంలోని విజువల్స్, యాక్షన్ సన్నివేశాలు, గ్రాఫిక్స్ క్వాలిటీ స్పష్టంగా చూపించగా, చూసిన వారందరినీ ఆకట్టుకుంది.
ముఖ్యంగా 3D ఫార్మాట్లో ఈ ట్రైలర్ను వీక్షించినప్పుడు హై వోల్టేజ్ యాక్షన్ సీన్స్ మరింత ప్రభావవంతంగా కనిపించాయి. విజువల్ ఎఫెక్ట్స్, బ్యాక్గ్రౌండ్ స్కోర్ కలిసి సినిమాను నెక్స్ట్ లెవెల్కు తీసుకెళ్లేలా ఉన్నాయని సినీ వర్గాలు తెలిపాయి. యంగ్ హీరో తేజ సజ్జ (Teja Sajja) నటించిన ఈ చిత్రం (HanuMan 3D) ఇప్పటికే మంచి అంచనాలను నెలకొల్పగా, ఈ 3D ట్రైలర్తో సినిమాపై ఆసక్తి మరింత పెరిగింది. ఈ భారీ విజువల్ వండర్ చిత్రం జూన్ 25న ప్రపంచవ్యాప్తంగా విడుదలకు సిద్ధమవుతోంది. ప్రేక్షకులు ఈ సినిమాను 3Dలో చూసేందుకు ఆసక్తిగా ఎదురుచూస్తున్నారు.
Read Also: ఉదయాన్నే నిద్రలేవడం వల్ల కలిగే ఆరోగ్య ప్రయోజనాలు ఇవే
Follow Us On: X(Twitter)
