కలం, కరీంనగర్ బ్యూరో : కరీంనగర్ (Karimnagar) పట్టణంలో విషాదకర ఘటన చోటుచేసుకుంది. నగరంలోని మంకమ్మతోట ప్రాంతంలో ఉన్న ఒక జిరాక్స్ షాపులో సురేష్ అనే యువకుడు ఉరివేసుకుని బలవన్మరణానికి పాల్పడ్డాడు. స్థానికుల ద్వారా సమాచారం అందుకున్న కరీంనగర్ పోలీసులు వెంటనే ఘటనా స్థలానికి చేరుకున్నారు. మృతదేహాన్ని పరిశీలించి, క్లూస్ టీమ్ సహాయంతో ప్రాథమిక ఆధారాలు సేకరించారు. అనంతరం ఈ ఘటనపై కేసు నమోదు చేసుకుని దర్యాప్తు ప్రారంభించారు. అయితే, సదరు యువకుడు ఆత్మహత్య చేసుకోవడానికి గల ఖచ్చితమైన కారణాలు ఇంకా తెలియరాలేదు. పోలీసులు అన్ని కోణాల్లోనూ విచారణ జరుపుతున్నారు. యువకుడి మృతితో అతని కుటుంబ సభ్యులు కన్నీరుమున్నీరుగా విలపిస్తున్నారు. ఈ ఘటనతో మంకమ్మతోట ప్రాంతంలో ఒక్కసారిగా శోకసంద్రం నెలకొంది.
