మణిపుర్‌ పర్యటనలో ఉన్న ఆర్ఎస్ఎస్ చీఫ్ మోహన్ భాగవత్(Mohan Bhagwat) సంచలన వ్యాఖ్యలు చేశారు. హిందువులు లేకపోతే ప్రపంచమే లేదని ఆయన వ్యాఖ్యానించడం గమనార్హం. హిందువుల ఉనికిని ప్రపంచానికి అత్యంత కీలకమైనదని వ్యాఖ్యానించారు. మణిపూర్‌(Manipur)లో ఘర్షణలు చల్లారిన తర్వాత భాగవత్ తొలిసారి ఆయన పర్యటించారు
“ప్రపంచంలోని ప్రతి దేశం పరిస్థితులకు అనుగుణంగా మారుతుంది. కానీ భారతదేశ నాగరికత ఎప్పటికీ అలానే ఉంటుంది. హిందువులు(Hindus) ఉనికి కోల్పోతే, ప్రపంచానికి ఉనికి ఉండదు.” అంటూ ఆయన పేర్కొన్నారు.
ఆర్థిక స్వావలంబన, దేశ నిర్మాణం, భవిష్యత్ శక్తి వంటి అంశాలపై కూడా ఆయన ప్రసంగించారు. అమెరికా సుంకాల విధింపు నేపథ్యంలో ప్రధాని నరేంద్ర మోదీ(PM Modi) ఇప్పటికే స్వదేశీ ఉత్పత్తులను ప్రోత్సహించాలని పిలుపునిచ్చిన సంగతి తెలిసిందే. భాగవత్ కూడా ఇదే దిశలో దేశ ఆర్థిక వ్యవస్థలో స్వావలంబన చాలా అవసరమని, ఎవరిపైనా ఆధారపడకుండా భారత్ ఆర్థికంగా బలంగా నిలబడాల్సిందన్నారు. “ఇది కష్టతరమైనది ఏమీ కాదు. క్రమంగా దేశ ఆర్థిక వ్యవస్థను బలోపేతం చేయవచ్చు” అని స్పష్టంగా తెలిపారు.
సభలో భాగవత్(Mohan Bhagwat) బ్రిటిష్‌ సామ్రాజ్యంపై భారతదేశం చేసిన స్వాతంత్ర్య పోరాటాల గురించి వివరించారు. ఆత్మవిశ్వాసం, దేశ భక్తి, సామాజిక ఏకత్వం వంటి అంశాలను ఉద్దేశపూర్వకంగా స్పర్శిస్తూ, నూతన తరం భారతీయులను దేశాభిమానం, ఆర్థిక బలం, భద్రతపై దృష్టి పెట్టేలా మిమ్మల్ని ప్రేరేపించారు.
Read Also: తెలంగాణలో రూ.5 లక్షల కోట్ల కుంభకోణమా??
Follow Us on : Pinterest
