New Districts | ఆంధ్రప్రదేశ్‌లో జిల్లాల పునర్విభజన అంశం హాట్ టాపిక్‌గా మారింది. సీఎం చంద్రబాబు నాయుడు సోమవారం ఈ అంశంపై మంత్రులతో సమీక్షించారు. ఇప్పటికే మంత్రివర్గ ఉపకమిటీ నివేదిక సమర్పించగా, దానిపై చంద్రబాబు స్వయంగా రెండు రోజులుగా లోతుగా అధ్యయనం చేస్తూ కొన్ని కీలక సూచనలు చేశారు.
మార్కాపురం ను కొత్త జిల్లాగా చేయాలన్న ప్రతిపాదన ముందుకొచ్చింది. ప్రస్తుతం మార్కాపురం ప్రకాశం జిల్లాలో ఉంది. అయితే గిద్దలూరు, కంభం, దర్శి ప్రాంతాలను కలిపి కొత్త మార్కాపురాన్ని జిల్లాగా ఏర్పాటు చేయనున్నారు. ఇది ప్రకాశం జిల్లాను మరింత కుదించి అభివృద్ధికి దోహదపడుతుందనే అభిప్రాయం బలంగా ఉంది.
మదనపల్లె జిల్లా కాబోతున్నదా?
మదనపల్లెను జిల్లాగా చేయాలన్న డిమాండ్ ఎప్పటి నుంచో ఉంది. గతంలో ఉద్యమాలు కూడా సాగాయి. అయితే ప్రస్తుతం అన్నమయ్య జిల్లాలోనే మదనపల్లి ఉంది. కాగా తంబళ్లపల్లె, రాజంపేట ప్రాంతాలను కలిపి మదనపల్లిని కొత్త జిల్లాగా చేయబోతున్నట్టు సమాచారం. రాయలసీమలో ఇప్పటికే 8 జిల్లాలున్నా, మదనపల్లె ప్రాంతం రాజంపేట-కడప మధ్య దూరం వల్ల నిర్లక్ష్యానికి గురవుతోందనే ఫిర్యాదుల నేపథ్యంలో ఈ ప్రతిపాదన తెరమీదకు వచ్చింది.
పరిశీలనలో రంపచోడవరం
రంపచోడవరం, చింతూరు డివిజన్లను కలిపి కొత్త జిల్లా ఏర్పాటు చేయబోతున్నట్టు తెలుస్తోంది. పోలవరం ముంపు గిరిజన ప్రాంతాల అభివృద్ధికి ప్రత్యేక దృష్టి సారించాలనే ఉద్దేశ్యంతో ఈ జిల్లా ప్రతిపాదన తెరమీదకు వచ్చింది. తూర్పుగోదావరి జిల్లా ఇప్పటికే చాలా విశాలంగా (6 రెవెన్యూ డివిజన్లు) ఉంది. దీంతో కొత్త జిల్లా ప్రతిపాదన తెరమీదకు వచ్చింది.
మార్పులు కొన్ని మాత్రమే..
25–26 జిల్లాలు చేయాలనే ఒత్తిడి ఉన్నా, చంద్రబాబు జాగ్రత్తగా వ్యవహరిస్తున్నారు. “అవసరం ఉన్న చోట మాత్రమే, పరిమిత స్థాయిలోనే మార్పులు” అని స్పష్టం చేశారు. ఇప్పుడు 26 జిల్లాలు ఉన్నాయి. (ప్రస్తుతం 26 ఉన్నాయి) గరిష్ఠంగా 28–29 వరకే వెళ్తుందనే అంచనా.
రాజకీయ, పరిపాలనా కోణం
గత జగన్ ప్రభుత్వం పార్లమెంట్ నియోజకవర్గానికి ఒక జిల్లా అనే విధానంతో 26 జిల్లాలు చేసింది. కానీ చాలా చోట్ల జిల్లా కేంద్రాలు అసౌకర్యవంతంగా ఉండటం, కొన్ని ప్రాంతాలు నిర్లక్ష్యానికి గురవుతున్నాయనే ప్రతిపాదనలు ఉన్నాయి. ఇప్పుడు చంద్రబాబు ఆ లోపాలను సరిచేస్తూ ముందుకు వెళ్తున్నారు.
New Districts పై తుది నిర్ణయం ఎప్పుడు?
మంగళవారం లేదా బుధవారం ఇందుకు సంబంధించిన తుది నిర్ణయం తీసుకొనే అవకాశం ఉంది. అనంతరం కేబినెట్‌లో ఆమోదం తర్వాత గెజిట్ నోటిఫికేషన్ విడుదలయ్యే అవకాశం ఉంది.
Read Also: ఏపీకి హైఅలెర్ట్.. బంగాళాఖాతంలో డబుల్ డోస్..
Follow Us on : Pinterest
