epaper
Monday, December 1, 2025
epaper

ఓటీటీలోకి ది గర్ల్‌ఫ్రెండ్

ఇటీవల విడుదలై ప్రేక్షకుల నుంచి మంచి స్పందన సొంతం చేసుకున్న చిత్రం ‘ది గర్ల్‌ఫ్రెండ్(The Girlfriend)’. రష్మిక మందన్న ప్రధాన పాత్రలో నటించిన ఈ చిత్రానికి రాహుల్ రవీంద్రన్(Rahul Ravindran) దర్శకత్వం వహించారు. నవంబర్ 7న థియేటర్లలో ప్రేక్షకుల ముందుకు వచ్చింది. భూమా అనే పాత్రలో రష్మిక కనబరిచిన నటన ప్రేక్షకులను మంత్రముగ్దులను చేసింది. విమర్శకుల ప్రశంసలు పొందింది. ఇప్పుడీ ‘ది గర్ల్‌ఫ్రెండ్’ కథ కొత్తగా ఓటీటీ ప్రేక్షకులను అలరించడానికి సిద్ధమైంది. నెట్‌ఫ్లిక్స్ వేదికగా డిసెంబర్ 5 నుంచి సినిమా స్ట్రీమింగ్ ప్రారంభం కానుంది.

తెలుగు భాషతోపాటు హిందీ, తమిళ్, కన్నడ, మలయాళ భాషలలోనూ ప్రేక్షకుల వద్ద లభిస్తుంది. థియేటర్‌లో ఘన విజయం సాధించడంతో ఓటీటీ వేదికగా కూడా మంచి రిస్పాన్స్ పొందనుందనే అంచనాలు ఉన్నాయి. ముగ్గురు ప్రధాన పాత్రల మధ్య ప్రేమ, కలహం, సమాజం ఎదురైన పరిస్థితులు ఈ కథలో ప్రధాన ఆకర్షణగా నిలిచాయి. థియేటర్లలో ఊహించని విధంగా కలెక్షన్లు తెచ్చిపెట్టిన ఈ సినిమా(The Girlfriend) రష్మిక(Rashmika Mandanna)కు మంచి పేరు తీసుకొచ్చింది. సమాజంలోనూ ఒక చర్చను లేవనెత్తింది. కొంత స్త్రీవాద దృక్పథంతో తీసిన ఈ సినిమా ఫెమినిస్టులను, యాక్టివిస్టులను ఆకర్షించింది. అయితే మరి ఓటీటీలో ఎటువంటి స్పందన రాబోతున్నదో వేచి చూడాలి.

Read Also: మళ్లీ నోరుజారిన రాజేంద్రప్రసాద్

Follow Us On: X(Twitter)

మ‌రిన్ని వార్త‌ల కోసం మా వాట్స‌ప్ ఛాన‌ల్ ఫాలో అవ్వండి

లేటెస్ట్ న్యూస్‌

Read More Latest News >>

ఎక్స్‌క్లూజివ్‌

Read More Exclusive Stories >>