కలం, వెబ్డెస్క్: వేసవి కాలంలో తీవ్రమైన ఎండలు, చెమట, ధూళి కారణంగా ముఖంపై జిడ్డు పేరుకుపోవడం, ట్యాన్, మొటిమలు, మచ్చలు రావడం చాలా సాధారణం. మార్కెట్లో దొరికే రకరకాల కెమికల్ క్రీములు వాడినా ఆశించిన ఫలితం ఉండకపోగా, చర్మం మరింత దెబ్బతినే అవకాశం ఉంది. ఇలాంటి సమయంలో వంటిట్లోనే సులభంగా లభించే సహజ సిద్ధమైన పదార్థాలతో చర్మాన్ని సంరక్షించుకోవడం ఉత్తమమని సూచిస్తున్నారు నిపుణులు. అందులో స్ట్రాబెర్రీ, తేనె (Strawberry and Honey) కలయిక చర్మానికి ఒక వరప్రసాదం లాంటిది. ఎండ తీవ్రత వల్ల వేసవి కాలంలో చర్మం త్వరగా తన సహజ కాంతిని కోల్పోయి నిర్జీవంగా, నల్లగా మారుతుంది.
ఇటువంటి సమయంలో చర్మాన్ని మళ్లీ తాజాగా, కాంతివంతంగా మార్చడానికి స్ట్రాబెర్రీ, తేనె ఫేస్ ప్యాక్ (Strawberry Honey Face Pack) ఒక అద్భుతమైన సహజ సిద్ధమైన హోమ్మేడ్ రెమిడీ. స్ట్రాబెర్రీలో ఉండే విటమిన్ సి, సాలిసిలిక్ యాసిడ్ చర్మంపై పేరుకుపోయిన మృతకణాలను (Dead cells) తొలగించి, నల్లటి మచ్చలను తగ్గిస్తాయి. అలాగే, తేనె చర్మానికి అవసరమైన తేమను (Moisture) అందించి మృదువుగా చేస్తుంది. రసాయనాలతో కూడిన బ్యూటీ ప్రొడక్ట్స్ వాడే బదులు, వారానికి రెండుసార్లు ఈ నాచురల్ ఫేస్ ప్యాక్ ఉపయోగించడం వల్ల ఎలాంటి గ్లోయింగ్ స్కిన్ లభిస్తుందో ఇక్కడ తెలుసుకోండి.
స్ట్రాబెర్రీలో విటమిన్ సి, యాంటీఆక్సిడెంట్లు, ఆల్ఫా-హైడ్రాక్సీ యాసిడ్స్ పుష్కలంగా ఉంటాయి. ఇవి చర్మాన్ని లోపలి నుండి శుభ్రపరిచి (Exfoliate), మృతకణాలను తొలగిస్తాయి. అలాగే చర్మంపై వచ్చే ముడతలు, నల్లటి మచ్చలను తగ్గించడంలో సహాయపడతాయి. ఇక, తేనె ఒక అద్భుతమైన సహజ హ్యూమెక్టెంట్ (Humectant). అంటే ఇది చర్మంలోని తేమను కోల్పోకుండా కాపాడుతుంది. ఇందులో ఉండే యాంటీ-బ్యాక్టీరియల్ గుణాలు మొటిమలకు కారణమయ్యే బ్యాక్టీరియాతో పోరాడుతాయి.
