‘సిట్’ ముందుకు కేసీఆర్ మాజీ ఓఎస్డీ రాజశేఖర్

కలం డెస్క్ : గత ప్రభుత్వ (BRS) హయాంలో రాష్ట్రంలో జరిగిన ఫోన్ ట్యాపింగ్ కేసు(Phone Tapping Case)లో అప్పటి ముఖ్యమంత్రి కేసీఆర్ (KCR)కు ఓఎస్డీగా పనిచేసిన రాజశేఖరరెడ్డిని సిట్ (SIT) పోలీసులు విచారించారు. బంజారాహిల్స్ ఆఫీసులో జరిగిన ఈ విచారణలో ఫోన్ ట్యాపింగ్‌లో అప్పటి సీఎం ప్రమేయం, ఓఎస్డీగా పనిచేసినప్పుడు చోటుచేసుకున్న అంశాలపై ఆయన నుంచి పోలీసులు ఆరా తీస్తున్నారు. అప్పటి ఇంటెలిజెన్స్ చీఫ్ ప్రభాకర్ రావును ఏ-వన్‌గా చేర్చిన సిట్ దర్యాప్తు కొనసాగింపులో భాగంగా ఓఎస్డీ రాజశేఖరరెడ్డిని విచారిస్తుండడం గమనార్హం. గతంలో హాట్ టాపిక్‌గా ఉన్న ఫోన్ ట్యాపింగ్ వ్యవహారం హైకోర్టు, సుప్రీంకోర్టుల వరకు చేరింది. కొంతకాలంగా సైలెంట్‌గా ఉన్న ఈ కేసు దర్యాప్తు ఒక్కసారిగా మళ్ళీ తెరమీదకు వచ్చింది. సీఎంకు ఓఎస్డీగా పనిచేసిన రాజశేఖర్‌రెడ్డి ఎలాంటి వివరాలు వెల్లడిస్తారన్నది ఆసక్తికరంగా మారింది.

Phone Tapping Case దర్యాప్తు తీరు ఇదీ.. :

• అప్పటి ఇంటెలిజెన్స్ చీఫ్ ప్రభాకర్ రావురల ప్రధాన నిందితుడిగా ‘సిట్’ గుర్తించింది.
• జూన్ 2025లో రెండు రోజులపాటు విచారించింది. 11 గంటల నుంచి రాత్రి 8 గంటల వరకు సమాచారాన్ని రాబట్టింది.
• సమాధానాల్లో ఎక్కువగా “తెలియదు, గుర్తులేదు, మర్చిపోయా” అనే విధంగా ఉన్నాయని సమాచారం.
• ఇంటెలిజెన్స్ విభాగంలో పనిచేసిన కొంతమంది అధికారులను సైతం సిట్ విచారించింది.
• బాధితుల స్టేట్మెంట్లను రికార్డ్ చేసింది.
• జూన్ 11, 2025 – ప్రభాకర్ రావు మొదటి రోజు విచారణ.
• జూన్ 12, 2025 – రెండో రోజు విచారణ, సుదీర్ఘంగా కొనసాగింది.
• జూన్ 28, 2025 – SIT కీలక పరిణామాలు వెల్లడించింది, బాధితుల వాంగ్మూలాలు రికార్డ్ చేసింది.
• సెప్టెంబర్ 22, 2025 – సిట్ దర్యాప్తుకు ప్రభాకర్ రావు సహకరించడం లేదంటూ తెలంగాణ ప్రభుత్వం దాఖలు చేసిన పిటిషన్‌పై సుప్రీంకోర్టు విచారణ
• నవంబర్ 18, 2025 – ప్రభాకర్ రావు క్లౌడ్ డేటాను సిట్‌కు అందించాలని సుప్రీం కోర్టు ఆదేశం.
• సిట్ ఇంకా ఇంటెలిజెన్స్ విభాగంలోని ఇతర అధికారులు మరియు ట్యాపింగ్ బాధితుల వర్గాలు నుంచి మరిన్ని వివరాలు సేకరించాల్సి ఉంది.
• ప్రభాకర్ రావు సహకరించకపోవడం వల్ల సిట్ మరిన్ని సాక్ష్యాలు, డిజిటల్ డేటా, క్లౌడ్ సమాచారం రాబట్టే ప్రయత్నంలో ఉంది.

Read Also: హైడ్రాపై హైకోర్టు సీరియస్

Follow Us on: Youtube