కలం, మెదక్ బ్యూరో: సంగారెడ్డి (Sangareddy) జిల్లా కల్హేర్ మండలం బాచేపల్లి సమీపంలో జాతీయ రహదారి (NH–161) పై మంగళవారం ఉదయం ఘోర రోడ్డు ప్రమాదం (Road Accident) జరిగింది. వేగంగా వెళ్తున్న స్కార్పియో వాహనం బోల్తా పడిన ఈ దుర్ఘటనలో ఒకే కుటుంబానికి చెందిన ముగ్గురు అక్కడికక్కడే ప్రాణాలు కోల్పోయారు.
నాందేడ్ – అకోలా జాతీయ రహదారి NH–161 పై ప్రయాణిస్తున్న స్కార్పియో వాహనానికి ఎదురుగా అకస్మాత్తుగా ఒక బైక్ వచ్చింది. ఆ బైక్ను తప్పించబోయే క్రమంలో స్కార్పియో డ్రైవర్ వాహనాన్ని అదుపు చేయలేకపోయాడు. దీంతో తీవ్ర నియంత్రణ కోల్పోయిన స్కార్పియో రహదారిపై పలు మార్లు పల్టీలు కొట్టి బోల్తా పడింది.
ఈ ప్రమాద తీవ్రతకు స్కార్పియోలో ప్రయాణిస్తున్న ముగ్గురు తీవ్ర గాయాలపాలై ఘటనా స్థలంలోనే మృతి చెందారు. మృతులు మహారాష్ట్రలోని నాందేడ్ ప్రాంతానికి చెందిన షమీన్ బేగం(48), అన్బియ టాస్కీం (4), మహ్మద్ నదీమ్ (37) గా పోలీసులు గుర్తించారు.
