కలం, సినిమా : టాలీవుడ్ ఎనర్జిటిక్ స్టార్ రామ్ పోతినేని (Ram Pothineni) బర్త్డే సందర్భంగా అభిమానులకు అదిరిపోయే సర్ప్రైజ్ ఇచ్చారు. ఈరోజు (మే 15) రామ్ కొత్త చిత్రం ‘RAPO23′ ను అధికారికంగా ప్రకటించారు. ఈ చిత్రానికి ప్రత్యేకత ఏమిటంటే.. ఇందులో రామ్ హీరోగా నటించడమే కాకుండా స్వయంగా దర్శకత్వ బాధ్యతలు కూడా చేపట్టనున్నారు.
ఈ సందర్భంగా విడుదల చేసిన ఫస్ట్ లుక్ పోస్టర్ ప్రేక్షకులను ఆకట్టుకుంటోంది. పోస్టర్లో రామ్ పవర్ఫుల్ లుక్లో కనిపిస్తూ, ‘వీర’ అనే పాత్రలో నటిస్తున్నట్లు వెల్లడించారు. మాస్ యాక్షన్ ఎంటర్టైనర్గా రూపొందనున్న ఈ సినిమాపై ఇప్పటికే భారీ అంచనాలు నెలకొన్నాయి. ఇప్పటివరకు నటుడిగా ఎన్నో హిట్లు అందుకున్న రామ్.. ఇప్పుడు దర్శకుడిగా కూడా తన ప్రతిభను చూపించేందుకు సిద్ధమవుతున్నారు. దీంతో అభిమానులు సోషల్ మీడియాలో ఆయనకు పుట్టినరోజు శుభాకాంక్షలు తెలుపుతూ, ‘RAPO23’ కోసం ఆసక్తిగా ఎదురుచూస్తున్నారు.
