కలం, వెబ్డెస్క్: అసలే రెండేళ్లుగా ఎడతెగని యుద్ధం.. ఆపై ఒకరి మీద మరొకరు కత్తులు దూసుకోవడం.. ఒకరి అంతాన్ని మరొకరు కోరుకోవడం.. ఇలాంటి పరిస్థితుల్లో ఉక్రెయిన్ అధ్యక్షుడు జెలెన్ స్కీకి (Zelensky) రష్యా అధ్యక్షుడు పుతిన్ కానుక (Putin Christmas gifts) పంపడం ఏంటి అనుకుంటున్నారా? నిజమే.. పంపించారు. జెలెన్ స్కీకి మాత్రమే కాదు, అమెరికా, చైనా, ఉత్తర కొరియా, వెనెజువెలా అధ్యక్షులకు భారత ప్రధాని మోదీకి (PM Modi) కూడా పుతిన్ కానుకలు పంపారు! కాకపోతే నేరుగా కాదు ఏఐ వీడియో ద్వారా పంపారు. క్రిస్మస్ సందర్భంగా కెన్యాలోని రష్యా ఎంబసీ తన ‘ఎక్స్’ ఖాతాలో ఓ ఏఐ వీడియో పోస్ట్ చేసింది. ఇందులో శాంటాక్లాజ్ వేషంలో ఉన్న పుతిన్ కానుకలు ఇస్తున్నట్లు చిత్రీకరించారు. ఈ వీడియోను పోస్ట్ చేసి, ‘క్రిస్మస్ సీజన్ అంటే గిఫ్ట్లు ఇచ్చిపుచ్చుకునే సమయం. రష్యా తన స్నేహితులందరికీ బహుమతులు పంపింది. చేసే పనులను బట్టి ఈ కానుకలు ఉంటాయి.’ అంటూ పరోక్షంగా జెలెన్ స్కీని ఉద్దేశించి రష్యన్ ఎంబీసీ ట్వీట్ రాసింది.
ఇంతకీ ఈ వీడియోలో పుతిన్.. ఏమేం కానుకలు (Putin Christmas gifts) ఇచ్చారంటే.. మొదట చైనా అధ్యక్షుడు షీ జిన్పింగ్కు రష్యా, చైనా కరెన్సీ ఉన్న గిఫ్ట్ ఇచ్చారు. డాలర్ ప్రభావం తగ్గుతోందని పరోక్షంగా ఇలా చెప్పినట్లు భావిస్తున్నారు. ఇక, ఉత్తరకొరియా అధ్యక్షుడు కిమ్కు కత్తి, వెనెజువెలా అధ్యక్షుడు నికోలస్ మదురోకు డీజే సెట్ ఇచ్చినట్లు ఉంది. భారత ప్రధాని నరేంద్ర మోదీకి యుద్ధ విమానాలు ఇచ్చారు. ఇటీవల అత్యాధునిక ఎస్–500 క్షిపణి వ్యవస్థను భారత్కు ఇచ్చేందుకు డీల్ కుదిరిన విషయం తెలిసిందే. దీనికి సింబాలిక్గా వీడియోలో చూపించారు. ఇక చివరగా జెలెన్ స్కీకి ‘సంకెళ్లు’ ఉన్న గిఫ్ట్ను పంపించినట్లు చూపించారు.
Read Also: కేసీఆర్ అసెంబ్లీకి రావడంలో గొప్పేముంది : ఎన్. రామచందర్ రావు
Follow Us On: Instagram
