కలం, నిర్మల్‌ : నిర్మల్‌ జిల్లా కేంద్రంలోని ఆర్డీఓ కార్యాలయ సమీపంలో గల ఎస్సీ కార్పొరేషన్‌ షాపింగ్‌ (SC Corporation Shop) కాంప్లెక్స్‌లోని ఒకటవ నంబర్ దుకాణానికి నెలవారీ కిరాయికి ఇవ్వడానికి బహిరంగ వేలం (Public Auction) నిర్వహించనున్నట్లు జిల్లా ఎస్సీ సంక్షేమ అభివృద్ధి అధికారి శంకర్ (Shankar) శుక్రవారం తెలిపారు. ఈ నెల 18న మధ్యాహ్నం మూడు గంటలకు వేలం నిర్వహించనున్నట్లు వెల్లడించారు.
వేలంలో పాల్గొనే ఆసక్తిగల అభ్యర్థులు రూ.1,000 దరఖాస్తు రుసుము చెల్లించి, నిర్ణీత దరఖాస్తును ఈ నెల 17వ తేదీ సాయంత్రం 5 గంటలలోపు జిల్లా సమీకృత కలెక్టరేట్ లోని ఎస్సీ కార్పొరేషన్‌ కార్యాలయంలో అందజేయాలని సూచించారు. వేలంలో పాల్గొనే వారు కుల, ఆదాయ, రేషన్‌ కార్డు, నివాస, ఆధార్‌ తదితర ధ్రువీకరణ పత్రాల జిరాక్స్‌ ప్రతులతో పాటు రూ. 50 వేల ఈఎండీ చెల్లించాల్సి ఉంటుందని, వేలంలో దుకాణం దక్కిన వారు నిబంధనల ప్రకారం నిర్వహించాల్సి ఉంటుందని తెలిపారు.
