కలం, మధిర: మధిర (Madhira)ఇంటెలిజెన్స్ విభాగంలో హెడ్ కానిస్టేబుల్‌గా సేవలందించిన మహమ్మద్ సలీం (Mohammed Saleem) తన విధి నిర్వహణలో చూపిన క్రమశిక్షణ, అంకితభావం, సమర్థతకు తగిన గుర్తింపు లభించింది. ఆయన అసిస్టెంట్ సబ్‌ఇన్‌స్పెక్టర్ (ASI )గా పదోన్నతి పొంది, తిరిగి మధిర ఇంటెలిజెన్స్ విభాగంలోనే నూతన బాధ్యతలను స్వీకరించారు. మధిర ప్రాంతంలో శాంతిభద్రతల పరిరక్షణతో పాటు సమాచార సేకరణలో సలీం అందించిన సేవలు ఎంతో ప్రశంసనీయమని ఆయన సహచరులు, అధికారులు కొనియాడారు. ఈ సందర్భంగా పోలీసు అధికారులు, సిబ్బంది, వివిధ ప్రజాసంఘాల ప్రతినిధులు ఆయనను ఆత్మీయంగా అభినందించి, భవిష్యత్తులో మరిన్ని ఉన్నత పదవులను అధిరోహించాలని ఆకాంక్షించారు. సలీం తిరిగి మధిరలోనే ఏఎస్‌ఐగా బాధ్యతలు చేపట్టడం పట్ల స్థానిక ప్రజలు హర్షం వ్యక్తం చేశారు.
