హైడ్రా కమిషనర్ రంగనాథ్‌(AV Ranganath) నిర్వహించిన సమీక్షా సమావేశానికి జూబ్లీహిల్స్ ఎమ్మెల్యే నవీన్ యాదవ్(Naveen Yadav) హాజరయ్యారు. నియోజకవర్గ పరిధిలోని ఓ స్థల వివాదంపై చర్చించారు. జూబ్లీహిల్స్ నియోజకవర్గంలో ఆక్రమణలపై హైడ్రా(Hydraa) అధికారులు దర్యాప్తును వేగవంతం చేశారు. షేక్‌పేట ప్రాంతంలోని సక్కుబాయి లేఔట్‌లో కొన్ని స్థలాలను ఆక్రమణకు గురయ్యాయన్న ఆరోపణలు ఉన్నాయి. ప్రజావాణికి ఫిర్యాదులు కూడా వచ్చాయి. ఈ ఫిర్యాదులపై హైడ్రా ప్రజావాణి విభాగం విచారణ చేపట్టింది. ఈ నేపథ్యంలో స్థానిక ఎమ్మెల్యే నవీన్ యాదవ్ హైడ్రా కార్యాలయానికి చేరుకొని జరిగిన సమీక్షా సమావేశంలో పాల్గొన్నారు. సర్వే నంబర్‌ 327లో ఉన్న మొత్తం 25 ఎకరాల పరిధిలో సక్కుబాయినగర్ మ్యూచువల్లీ ఎయిడెడ్‌ కోఆపరేటివ్‌ సొసైటీ పేరిట లేఔట్‌ ఏర్పడింది. అయితే ఈ లేఔవుట్‌లో పార్కు, శ్మశానవాటిక కోసం కొంత స్థలం కేటాయించారు. అయితే ఆ స్థలం ఆక్రమణకు గురైనట్టు సమాచారం. ప్రజావాణిలో వచ్చిన ఫిర్యాదులపై హైడ్రా బృందం క్షేత్రస్థాయిలో పరిశీలించింది.
హైడ్రా కమిషనర్ రంగనాథ్‌ సంబంధిత పత్రాలను సమగ్రంగా పరిశీలించాలని అధికారులను ఆదేశించారు. క్షేత్రస్థాయిలో పూర్తిస్థాయి విచారణ జరిపి అసలు పరిస్థితులను వెలికితీయాలని సూచించారు. భూమి రికార్డులు, లేఔట్‌ అనుమతులు, మార్పిడి పత్రాలు తదితర అంశాలపై కూడా అధికారులకు దిశానిర్దేశం చేశారు. ఈ సమీక్షలో ఎమ్మెల్యే నవీన్ యాదవ్(Naveen Yadav)తో పాటు బీఆర్ఎస్ నేత మాగంటి సునీత, స్థానిక ప్రజాప్రతినిధులు పాల్గొన్నారు. స్థానికుల ఆరోపణలు, అభ్యంతరాలను సమావేశంలో అధికారులు వినిపించారు.
Read Also: పంచాయతీ ఎన్నికలకు హైకోర్టులో లైన్ క్లియర్
Follow Us on : Youtube
