కలం, వెబ్ డెస్క్: ఫ్రాన్స్ స్టార్ కైలియన్ ఎంబాప్పే (Mbappe) మరోసారి ప్రపంచకప్ వేదికపై తన ముద్ర వేశాడు. మొరాకోతో జరిగిన క్వార్టర్ఫైనల్లో గోల్, అసిస్ట్తో జట్టును సెమీస్కు చేర్చాడు. అదే మ్యాచ్లో పెనాల్టీని మిస్ చేసినా.. ఓ అరుదైన రికార్డును తన ఖాతాలో వేసుకున్నాడు. బోస్టన్లో జరిగిన మ్యాచ్లో ఫ్రాన్స్ 2-0తో మొరాకోను ఓడించింది. తొలి అర్ధభాగంలో ఎంబాప్పే పెనాల్టీ అవకాశాన్ని చేజార్చుకున్నాడు. అయితే రెండో అర్ధభాగంలో 60వ నిమిషంలో అద్భుత గోల్ చేశాడు. ఆరు నిమిషాల తర్వాత డెంబెలే చేసిన గోల్కు అసిస్ట్ అందించాడు.
ఈ ప్రదర్శనతో ఎంబాప్పే గత 60 ఏళ్లలో ఒకే ప్రపంచకప్ మ్యాచ్లో గోల్ చేయడం, అసిస్ట్ ఇవ్వడం, పెనాల్టీ మిస్ చేయడం చేసిన నాలుగో ఆటగాడిగా నిలిచాడు. ఇప్పటికే ఈ జాబితాలో లియోనెల్ మెస్సీ, కరీమ్ బెంజెమా, అసమోవా జ్యాన్ ఉన్నారు. తాజాగా ఎంబాప్పే కూడా వారి సరసన చేరాడు. అంతేకాదు.. మరో రెండు ఘనతలను కూడా అతడు అందుకున్నాడు. ప్రపంచకప్లో 20 మ్యాచ్లు ఆడిన అత్యంత పిన్న వయస్కుడిగా నిలిచాడు.
అలాగే కేవలం 20 మ్యాచ్ల్లోనే 20 గోల్స్ చేసిన వేగవంతమైన ఆటగాడిగానూ రికార్డు సృష్టించాడు. 2018, 2022, 2026 ప్రపంచకప్ల్లో కలిపి ఎంబాప్పే ఇప్పటికే 20 గోల్స్ చేశాడు. ప్రపంచకప్ చరిత్రలో అత్యధిక గోల్స్ చేసిన ఆటగాళ్ల జాబితాలో మెస్సీ 21 గోల్స్తో ముందున్నాడు. ఆ రికార్డుకు ఇప్పుడు ఎంబాప్పే ఒక్క గోల్ దూరంలో మాత్రమే ఉన్నాడు. మ్యాచ్ అనంతరం ఎంబాప్పే మాట్లాడుతూ వరుసగా మూడోసారి సెమీఫైనల్కు చేరడం జట్టుకు ప్రత్యేక క్షణమని చెప్పాడు. తర్వాతి ప్రత్యర్థి స్పెయిన్ అయినా, బెల్జియం అయినా తనకు ఎలాంటి ప్రాధాన్యం లేదని తెలిపాడు. ప్రస్తుతం విశ్రాంతిపైనే దృష్టి పెట్టినట్లు పేర్కొన్నాడు. సెమీఫైనల్లో ఎవరు ఎదురైనా అది మరో మంచి సవాల్ అవుతుందని అభిప్రాయపడ్డాడు.
