బీజేపీకి పశ్చిమబెంగాల్ ముఖ్యమంత్రి మమతా బెనర్జీ(Mamata Banerjee) స్ట్రాంగ్ వార్నింగ్ ఇచ్చారు. తనను టార్గెట్ చేస్తే దేశాన్నే షేక్ చేస్తానన్నారు. పశ్చిమ బెంగాల్ రాష్ట్రవ్యాప్తంగా SIR ప్రక్రియ జరుగుతోంది. ఈ క్రమంలో ఆమె వ్యాఖ్యలు కీలకంగా మారాయి. బొంగావ్‌లో జరిగిన ఎస్ఐఆర్(SIR) వ్యతిరేక ర్యాలీలో మమతా బెనర్జీ మాట్లాడారు. కేంద్ర ఎన్నికల సంఘానికి బీజేపీ నిబంధనలు పెడుతోందని విమర్శించారు. రాబోయే ఎస్ఐఆర్ ప్రక్రియలో నిజమైన ఓటర్లను తొలగించొద్దని మమతా తెలిపారు. బీహార్ ఎన్నికల్లో బీజేపీ(BJP) ఇదే ఆట ఆడిందని ఆరోపించారు. బెంగాల్‌లో కూడా అదే వ్యూహాన్ని అమలు చేయాలని ప్లాన్ చేస్తోందన్నారు. దానిని నివారించడం కోసం పశ్చిమ బెంగాల్‌లో ఎస్ఐఆర్ ప్రక్రియ జరగకూడదని తెలిపారు.
తనను, తన రాష్ట్ర ప్రజలను టార్గెట్ చేస్తే దేశవ్యాప్తంగా వీధుల్లోకి వచ్చి దేశాన్నే షేక్ చేస్తానని అన్నారు దీదీ. ‘‘బెంగాల్‌లో నన్ను టార్గెట్ చేసుకుని, నా ప్రజలపై దాడి చేస్తే.. దానిని వ్యక్తిగత దాడిగా పరిగణిస్తా. నేను మొత్తం దేశాన్నే షేక్ చేస్తాను. ఎన్నికల తర్వాత నేను దేశమంతా తిరుగుతా’’ అని తెలిపారు. ‘‘మేము ఎస్ఐఆర్‌ను వ్యతిరేకించడం లేదు. ఇది ప్రతి మూడేళ్లకు ఇకసారి జరుగుతుంది. 2002లో చివరిసారి జరిగింది. కానీ ఎస్ఐఆర్ పేరుతో నిజమైన ఓటర్లను తొలగించొద్దనే చెప్పాం. బీజేపీ తన కార్యాలయం నుంచి ఓటర్ల జాబితాను సరిచేస్తోంది. ఈసీ(EC) కూడా బీజేపీకి అనుకూలంగా నిర్ణయాలు తీసుకుంటుంది. ఎన్నికల కమిషన్ నిష్పాక్షికంగా ఉండాలి. ఒక పార్టీ కమిషన్‌గా వ్యవహరించకూడదు’’ అని మమతా బెనర్జీ(Mamata Banerjee) పేర్కొన్నారు.
Read Also: కాంగ్రెస్‌పై రణభేరి మోగించాలి.. విద్యార్థులకు కేటీఆర్ పిలుపు
Follow Us on : Pinterest
