కలం, వెబ్ డెస్క్ : తెలంగాణ మంత్రి కొండా సురేఖ (Konda Surekha) మాజీ ఓఎస్డీ సుమంత్ డ్రైవర్ను పోలీసులు ఆదివారం అరెస్ట్ చేశారు. సంగారెడ్డి జిల్లా తెల్లాపూర్లోని సుమంత్ ఇంటి ఎదుట సదరు డ్రైవర్ను పోలీసు బృందం అదుపులోకి తీసుకుంది. ఓ ప్రముఖ వ్యాపారవేత్తను రూ.10 కోట్లు ఇవ్వాలని బెదిరించడమే కాకుండా, ఆయనపై ఇనుప రాడ్లతో దాడి చేసిన ఘటనలో సుమంత్తో పాటు ఆయన అనుచరులపై కూడా కేసు నమోదైంది.
బాధితుడి ఫిర్యాదు మేరకు నమోదైన ఈ కేసు దర్యాప్తులో భాగంగానే పోలీసులు వేగంగా చర్యలు చేపట్టి సుమంత్ డ్రైవర్ను అరెస్ట్ చేసినట్లు తెలుస్తోంది. ప్రస్తుతం ఈ వ్యవహారంలో ప్రధాన నిందితుడిగా ఉన్న సుమంత్ కోసం పోలీసులు గాలింపు చర్యలు ముమ్మరం చేశారు.
