కలం, స్పోర్ట్స్ : రెండు దశాబ్దాలుగా ఫుట్బాల్ ప్రపంచాన్ని శాసిస్తున్న క్రిస్టియానో రొనాల్డో (Cristiano Ronaldo) అరుదైన రికార్డులతో చరిత్ర సృష్టించాడు. ప్రపంచకప్లో వరుసగా ఆరోసారి బరిలోకి దిగడమే కాకుండా, ఉజ్బెకిస్తాన్తో జరిగిన మ్యాచ్లో రెండు అద్భుతమైన గోల్స్ చేసి జట్టుకు ఘనవిజయాన్ని అందించాడు. ఈ చారిత్రాత్మక విజయం తర్వాత, రొనాల్డో 20 ఏళ్ల సుదీర్ఘ కెరీర్ను గౌరవిస్తూ ప్రముఖ స్పోర్ట్స్వేర్ సంస్థ ‘నైకీ’ ఒక ప్రత్యేకమైన ‘గోల్డ్ మెర్క్యురియల్ సూపర్ఫ్లై RGN’ బూట్లను మార్కెట్లోకి విడుదల చేసింది.
రాబోయే ఆదివారం కొలంబియాతో జరగబోయే కీలకమైన వరల్డ్ కప్ గ్రూప్ మ్యాచ్లో రొనాల్డో (Cristiano Ronaldo) ఈ ప్రత్యేక బంగారు రంగు బూట్లను ధరించి మైదానంలోకి దిగే అవకాశం ఉంది. ఈ కథనం ఒకసారి వెనక్కి తిరిగి చూస్తే.. టోర్నమెంట్లో తమ మొదటి మ్యాచ్ను కాంగోతో డ్రా చేసుకున్న పోర్చుగల్, ఆ తర్వాత పుంజుకుంది. రాబర్టో మార్టినెజ్ కోచింగ్లోని పోర్చుగల్ జట్టు ఉజ్బెకిస్తాన్పై 5-0 తో భారీ విజయం సాధించింది. ఈ మ్యాచ్లో రొనాల్డో రెండు గోల్స్ చేయగా, నూనో మెండిస్, రాఫెల్ లియావో ఒక్కో గోల్ చేశారు.
ఉజ్బెకిస్తాన్ గోల్ కీపర్ అబ్దువోహిద్ నెమటోవ్ చేసిన ఓన్ గోల్ వారి ఓటమిని మరింత ఖరారు చేసింది. ఈ ప్రదర్శనతో ఆరు వేర్వేరు ప్రపంచకప్ ఎడిషన్లలో గోల్స్ చేసిన మొదటి ఆటగాడిగా రోనాల్డో సరికొత్త రికార్డు సృష్టించాడు. మ్యాచ్ ముగిసిన తర్వాత రొనాల్డో స్పందిస్తూ.. తమ జట్టు మొదటి మ్యాచ్ కంటే ఈ మ్యాచ్లో ఎంతో మెరుగ్గా రాణించిందని అన్నాడు. వ్యక్తిగతంగా రికార్డులు సాధించడం ఎప్పుడూ ఆనందాన్ని ఇస్తుందని చెప్తూనే, తన ప్రధాన లక్ష్యం మాత్రం ఎల్లప్పుడూ జాతీయ జట్టు విజయానికి సహాయపడటమేనని స్పష్టం చేశాడు.
రొనాల్డో సాధించిన ఈ అరుదైన మైలురాయిని సెలబ్రేట్ చేస్తూ నైకీ సంస్థ బుధవారం ఈ ప్రత్యేక ఎడిషన్ బూట్లను ప్రపంచవ్యాప్తంగా విడుదల చేసింది. మెటాలిక్ గోల్డ్ బేస్, వైట్ డిజైన్తో ఉన్న ఈ బూట్ల ధర సుమారు 300 డాలర్లు (మన కరెన్సీలో దాదాపు రూ. 28,343) గా ఉంది. బంతిపై పూర్తి నియంత్రణ ఉండేలా ఇందులో ప్రత్యేకమైన ఎయిర్ జూమ్, ఫ్లైవైర్ టెక్నాలజీని ఉపయోగించారు.
