కలం, వెబ్డెస్క్: పాకిస్థాన్ స్టార్ క్రికెటర్ బాబర్ ఆజమ్ (Babar Azam) మరో రికార్డ్కు చేరువలో ఉన్నాడు. బిగ్ బాష్ లీగ్(BBL) 15లో సిడ్నీ సిక్సర్స్ తరఫున ఆడుతున్న ఆజమ్ టీ20 క్రికెట్లో మరో చారిత్రక రికార్డు చేరుకోనున్నాడు. వెస్టిండీస్ దిగ్గజం క్రిస్ గేల్ పేరుపై ఉన్న అత్యధిక 50+ స్కోర్ల రికార్డును బద్దలు కొట్టే దిశగా బాబర్ అడుగు వేస్తున్నాడు. సీజన్ ప్రారంభంలో తడబడిన బాబర్.. సిడ్నీ థండర్స్తో జరిగిన హై-వోల్టేజ్ మ్యాచ్లో ఫామ్లోకి వచ్చాడు. 42 బంతుల్లో 58 పరుగులు చేసి తన తొలి బీబీఎల్ అర్ధ శతకం సాధించాడు. ఈ ఇన్నింగ్స్లో 5 ఫోర్లు, 2 సిక్సర్లు ఉన్నాయి.
అనంతరం గురువారం మెల్బోర్న్ రెనెగ్రేడ్స్తో జరిగిన మ్యాచ్లో మరోసారి హాఫ్ సెంచరీ(58 నాటౌట్; 46 బంతుల్లో 4 ఫోర్లు, 1 సిక్స్) చేశాడు. ఈ హాఫ్ సెంచరీతో బాబర్ టీ20ల్లో 107వ సారి 50+ స్కోరు సాధించాడు. ప్రస్తుతం ఈ జాబితాలో డేవిడ్ వార్నర్ (121), విరాట్ కోహ్లీ (114), క్రిస్ గేల్ (110) ముందున్నారు. గేల్ రికార్డును అధిగమించడానికి బాబర్ ఆజమ్ (Babar Azam) కు ఇంకా నాలుగు అర్ధశతకాలు మాత్రమే అవసరం. కాగా, ఈ మ్యాచ్లో తొలుత మెల్బోర్న్ 164/9 స్కోరు చేయగా, అనంతరం సిడ్నీ సిక్సర్స్ 19.1 ఓవర్లలో 168/4 చేసి గెలుపు అందుకుంది.
Read Also: BPL వేదికల నుంచి చట్టోగ్రామ్ ఔట్.. కారణం ఏంటో తెలుసా?
Follow Us On: X(Twitter)
