కలం, వెబ్ డెస్క్: ప్రముఖ పాటల రచయిత అనంత్ శ్రీరామ్(Ananth Sriram) పోలీస్ స్టేషన్ మెట్లెక్కారు. భీమవరం జిల్లా పోలీసులకు ఫిర్యాదు చేశారు. యలమంచిలి మండలం దొడ్డిపట్లలో తన ఇంటి ముందున్న ఐదు సెంట్ల ఉమ్మడి స్థలాన్ని హరిరామజోగయ్య కుమారుడు సూర్య ప్రకాశ్ ఆక్రమించారని పేర్కొన్నారు. ఈ స్థల వివాదం కోర్టులో ఉన్నప్పటికీ సూర్య ప్రకాశ్ తమను బెదిరిస్తున్నారని జిల్లా కలెక్టర్, ఎస్పీలకు ఫిర్యాదు చేశారు. తన తల్లిదండ్రులను భయభ్రాంతులకు గురి చేస్తున్నాడని, వారికి రక్షణ కల్పించాలని వినతిపత్రం అందించారు. అనంత్ శ్రీరామ్ ఫిర్యాదు స్థానికంగా చర్చనీయాంశంగా మారింది.
