T20 WC 2026 | టీ20 ప్రపంచకప్‌ను హోస్ట్ చేయడానికి భారత్, శ్రీలంక సిద్ధమవుతున్నాయి. అయితే ఈ టోర్నీ పైనల్ మ్యాచ్ జరిగే స్టేడియం సెలక్షన్‌లో ఇండియన్ పాలిటిక్స్, ఫేవరిజం ప్రభావం ఉందంటూ శివసేన(ఉద్ధవ్ ఠాక్రే వర్గం) నేత ఆదిత్య ఠాక్రే(Aaditya Thackeray) ఆరోపించారు. ఇదే అంశంపై ఆయన.. ఐసీసీ, బీసీసీఐపై విమర్శలు గుప్పించారు. ఆటను పాలిటిక్స్‌తో కలపకుండా ఉండాలని సూచించారు. టీ20 వరల్డ్ కప్ ఫైనల్ మ్యాచ్‌కు గుజరాత్‌లోని అహ్మదాబాద్ స్టేడియం వేదిక కానుంది. ఈ విషయాన్ని బీసీసీఐ, ఐసీసీ ప్రకటించారు. ఈ నేపథ్యంలోనే ఆధిత్య ఠాక్రే స్పందించారు. అహ్మదాబాద్‌లోని మోదీ స్టేడియంను ఎన్నుకోవడంలో రాజకీయాలు, ఫేవరిటిజం పాత్ర స్పష్టంగా కనిపిస్తోందన్నారు.
T20 WC 2026 | టోర్నీ షెడ్యూల్ ప్రకటించిన వెంటనే ఆదిత్య స్పందించారు. ‘‘దేశవ్యాప్తంగా ఉన్న చారిత్రక క్రికెట్ కేంద్రాలను పక్కనబెట్టి, ఇటీవల సంవత్సరాల్లో ప్రధాన ఫైనల్స్ అన్నీ అహ్మదాబాద్(Ahmedabad)కే ఇవ్వడం సరికాదు’’ అని అన్నారు. ఫైనల్ ఎక్కడ నిర్వహించబడుతోందో ఊహించండి? అహ్మదాబాద్. ప్రతి ఒక్క ఫైనల్‌ను అక్కడికే ఎందుకు లాగిపెడుతున్నారు? అది ఎప్పటి నుంచీ సంప్రదాయ క్రికెట్ వేదిక అయ్యింది? అని ఆయన సోషల్ మీడియా పోస్టులో ప్రశ్నించారు.
Read Also: టీ20 వరల్డ్ కప్‌లో ఫైనల్స్‌కు వెళ్తాం: రోహిత్
Follow Us on : Pinterest
