కలం, వెబ్డెస్క్: విజయ్ దేవరకొండ హీరోగా నటిస్తున్న పాన్ ఇండియా మూవీ (Vijay Deverakonda) ఎస్వీసీ59 సినిమా టైటిల్ గ్లింప్స్ ఈ నెల 22న రిలీజ్ చేయనున్నారు. శ్రీ వేంకటేశ్వర క్రియేషన్స్లో దిల్ రాజు, శిరీష్ నిర్మిస్తున్న ఈ చిత్రానికి డైరెక్టర్ రవికిరణ్ కోలా(Ravi Kiran Kola). ఇంకా పేరు పెట్టని ఈ సినిమాలో హీరో పాత్ర గురించి ఓ ప్రోమో నోట్ను గురువారం డైరెక్టర్ రిలీజ్ చేశారు. ‘ ఒక మనిషి గురించి ఎప్పటినుంచో ఈ కథ చెప్పాలనుకుంటున్నా.
నా జ్ఙాపకాల్లో అతను ఉన్నాడు. చిన్నప్పటి నుంచి అతన్ని చూస్తూ పెరిగా. అతడిని ఎంత ప్రేమించానో అంతే ద్వేషించాను. అతనిది అందరికీ చెప్పాల్సిన కథ. మీకు కూడా అతన్ని పరిచయం చేస్తాను..’ అంటూ రిలీజ్ చేసిన ఈ ప్రోమో నోట్ ఆకట్టుకుంటోంది. రక్తం కారుతున్న హీరో విజయ్ దేవరకొండ(Vijay Deverakonda) చేయిని చూపిస్తూ ఈ ప్రోమోను ముగించడం ఆసక్తి కలిగిస్తోంది. సినిమా టైటిల్ గ్లింప్స్ను 22న రాత్రి సరిగ్గా 7.29 నిమిషాలకు విడుదల చేయనున్నట్లు డైరెక్టర్ రవి కిరణ్ పేర్కొన్నారు. ఈ మూవీలో కీర్తి సురేశ్(Keerthy Suresh) హీరోయిన్.
Read Also: నిధి అగర్వాల్ ఘటన.. లులు మాల్ పై కేసు
Follow Us On: Sharechat
