కలం, వెబ్డెస్క్: తెలంగాణ ప్రభుత్వం అత్యంత ప్రతిష్ఠాత్మకంగా నిర్వహిస్తున్న గ్లోబల్ సమ్మిట్కు రెండో రోజూ (Telangana Global Summit Day 2) పెట్టుబడుల ప్రవాహం కొనసాగుతోంది. మొదటి రోజు దాదాపుగా 3 లక్షల కోట్ల పెట్టుబడులకు ఎంవోయూలు కుదిరాయని రాష్ట్ర ప్రభుత్వ వర్గాలు చెబుతున్నాయి. రెండో రోజు మంగళవారం సైతం వివిధ ప్రముఖ కంపెనీలకు సంబంధించిన ప్రతినిధులు ముఖ్యమంత్రి రేవంత్ రెడ్డిని కలుసుకున్నారు. మంగళవారం ఉదయం నుంచే దేశ, విదేశీ కంపెనీల ప్రతినిధులతో ముఖ్యమంత్రి రేవంత్ రెడ్డి వరుస సమావేశాలు నిర్వహించారు. ఉదయం 10 గంటలకు ముఖ్యమంత్రి రేవంత్ రెడ్డి, రాష్ట్రవ్యాప్తంగా జరుగుతున్న తెలంగాణ తల్లి విగ్రహాల ఆవిష్కరణను వర్చువల్గా చేపట్టారు. అనంతరం ఆయన 20కి పైగా ఉన్నతస్థాయి సమావేశాలు నిర్వహించారు. విద్య, పవర్, టూరిజం, లైఫ్ సైన్సెస్, ఫుడ్ ప్రాసెసింగ్, ఆటోమొబైల్స్, ఎలక్ట్రానిక్స్, ఆర్టిఫిషియల్ ఇంటెలిజెన్స్ వంటి రంగాల్లో పెట్టుబడులపై చర్చించారు.
పలు కంపెనీల కీలక ఒప్పందాలు
పలు కంపెనీలు ఈ సమావేశాల సమయంలో ఒప్పందాలు కుదుర్చుకున్నాయి. సుమధుర గ్రూప్ (Sumadhura Group) రాష్ట్రంలో కొత్త ప్రాజెక్టులకు పెట్టుబడులు పెట్టేందుకు ఒప్పందం కుదుర్చుకుంది. ఈ గ్రూప్ ఇన్ఫ్రాస్ట్రక్చర్, రియల్ ఎస్టేట్ రంగాల్లో ఆసక్తి చూపింది. టీసీసీఐ తైవాన్ గ్రూప్ (TCCI Taiwan) తైవాన్కు చెందిన ఈ గ్రూప్ ప్రతినిధులు సీఎంను కలిసి, ఎలక్ట్రానిక్స్, సెమీకండక్టర్ రంగాల్లో పెట్టుబడులు పెట్టేందుకు సంతకం చేశారు.
హాస్పిటాలిటీ, టూరిజం రంగాల్లో..
తాజ్ జీవీకే మేనేజింగ్ డైరెక్టర్ శాలిని భూపాల్ హాస్పిటాలిటీ, టూరిజం రంగాల్లో కొత్త ప్రాజెక్టులకు ఆసక్తి చూపారు. హైదరాబాద్లో లగ్జరీ రిసార్టులు, కన్వెన్షన్ సెంటర్లు అభివృద్ధి చేయాలని చర్చించారు. ప్రెస్టీజ్ గ్రూప్ సీఈఓ స్వరూప్ అనివేశ్ రియల్ ఎస్టేట్ దిగ్గజం ప్రెస్టీజ్ గ్రూప్, ఫ్యూచర్ సిటీలో ఇంటిగ్రేటెడ్ టౌన్షిప్ ప్రాజెక్టులకు పెట్టుబడులు ప్రకటించింది. ఇది రాష్ట్ర ఆర్థిక వ్యవస్థకు బూస్ట్ ఇస్తుంది. అనలాగ్ ఏఐ (Analog AI) ఓటూడ్లోజ్ ప్రతినిధులు ఆర్టిఫిషియల్ ఇంటెలిజెన్స్ రంగంలో పెట్టుబడులు పెట్టేందుకు చర్చలు జరిపారు. డీప్ టెక్ సిటీ అభివృద్ధికి ఈ కంపెనీ సహకారం అందుతుంది. డ్రీమ్ వాలీ గోల్ఫ్ అండ్ రిసార్ట్స్ ప్రతినిధులు టూరిజం, స్పోర్ట్స్ రంగాల్లో గోల్ఫ్ రిసార్టులు, స్పోర్ట్స్ సిటీ ప్రాజెక్టులకు ఎంవోయూలు కుదుర్చుకున్నారు. ఇది రాష్ట్ర టూరిజం విభాగాన్ని గ్లోబల్ లెవెల్కు తీసుకెళ్లే అవకాశం ఉందని అధికారవర్గాలు చెబుతున్నాయి. సెంబ్ కార్ప్ (సింగపూర్) ప్రతినిధులు సింగపూర్ ఆధారిత ఈ కంపెనీ, గ్రీన్ ఎనర్జీ, సస్టైనబుల్ ఇన్ఫ్రా ప్రాజెక్టులకు పెట్టుబడులు ప్రకటించింది. రెన్యూవబుల్ ఎనర్జీ రంగంలో రూ. 8,000 కోట్లకుపైగా పెట్టుబడులు ఆకర్షించే అవకాశం ఉంది.
20 సమావేశాలు, ఆనంద్ మహీంద్రాతో చర్చ
ముఖ్యమంత్రి రేవంత్ రెడ్డి ఈ రోజు ఉదయం నుంచే బిజీగా ఉన్నారు. వివిధ కంపెనీలతో వరుసగా సమావేశాలు నిర్వహించి, పెట్టుబడులు ఆకర్షించారు. సాయంత్రం 4:10 నుంచి సౌత్ కొరియా-తెలంగాణ ట్రేడ్ పార్ట్నర్షిప్ సెషన్, 4:50కి ఆస్ట్రేలియా-తెలంగాణ సమావేశాలు జరుగనున్నాయి. సాయంత్రం ఆనంద్ మహీంద్ర (మహీంద్రా & మహీంద్రా చైర్మన్)తో గ్రీన్ మొబిలిటీ, రూరల్ ఎంటర్ప్రైజ్లపై ప్రత్యేక చర్చ జరుగనుంది. ఈ చర్చలు రాష్ట్ర సస్టైనబుల్ డెవలప్మెంట్కు కీలకం కానున్నాయి.
Read Also: వచ్చాడయ్యో సామి.. భక్తుల చెంతకు యాదాద్రి నరసింహుడు
Follow Us On: X(Twitter)
