కలం, వెబ్ డెస్క్ : టీ20 వరల్డ్ కప్(T20 World Cup) 2026లో కీలక పోరుకు రంగం సిద్ధమైంది. మార్చి 5న ముంబైలోని వాంఖెడే స్టేడియం(Wankhede Stadium) లో భారత్-ఇంగ్లండ్ జట్లు తలపడనున్నాయి. ఈ మ్యాచ్ టోర్నమెంట్లో నిర్ణయాత్మకంగా మారే అవకాశముందని భావిస్తున్నారు. ఇప్పటివరకు భారత జట్టు వ్యూహాత్మకంగా ఆశించిన స్థాయిలో ప్రదర్శన ఇవ్వలేదని విశ్లేషకులు చెబుతున్నారు. జట్టు నిర్ణయాల్లో స్పష్టత అవసరమని కూడా అభిప్రాయం వ్యక్తమవుతోంది. ముఖ్యంగా ఇంగ్లండ్పై విజయానికి కొన్ని కీలక నిర్ణయాలు అవసరమని పేర్కొంటున్నారు.
సాంజూ శాంసన్కు కీలక పరీక్ష
ఈ మ్యాచ్లో సాంజూ శాంసన్(Sanju Samson) ఓపెనర్గా బ్యాటింగ్ చేయనున్నారు. కొత్త బంతితో జోఫ్రా ఆర్చర్(Jofra Archer) బౌలింగ్ చేసే అవకాశం ఉండటంతో ప్రారంభ ఓవర్లు కీలకంగా మారనున్నాయి. వేగం, బౌన్స్తో ఆర్చర్ ప్రమాదకరంగా మారే అవకాశం ఉన్నందున శాంసన్ జాగ్రత్తగా ఆడాల్సి ఉంటుంది. త్వరగా పరుగులు చేయగల సామర్థ్యం ఉన్నప్పటికీ, నాణ్యమైన ఫాస్ట్ బౌలింగ్ ముందు ప్రారంభంలో వికెట్ కోల్పోయే ప్రమాదం ఉంటుందని విశ్లేషిస్తున్నారు. కాబట్టి మొదట క్రీజ్లో స్థిరపడిన తర్వాతే అతను తన దూకుడు ఆటను ప్రారంభించడం అవసరమని భావిస్తున్నారు.
పవర్ప్లేలో అక్షర్ పటేల్ అస్త్రం
వాంఖెడే పిచ్ పరిస్థితులను దృష్టిలో పెట్టుకుని పవర్ప్లేలో అక్షర్ పటేల్ (Axar Patel) ను ఉపయోగించడం భారత్కు ప్రయోజనకరంగా ఉండొచ్చని విశ్లేషణలు చెబుతున్నాయి. పిచ్పై కొంత గడ్డి ఉన్నప్పటికీ స్పిన్కు సహకారం లభించే అవకాశం ఉందని భావిస్తున్నారు. ఫిల్ సాల్ట్, జోస్ బట్లర్ లాంటి దూకుడు బ్యాటర్లను కట్టడి చేయడానికి అక్షర్ పటేల్ ఖచ్చితమైన లైన్-లెంగ్త్ ఉపయోగపడవచ్చని చెబుతున్నారు.
డెత్ ఓవర్లకు బుమ్రా
ఇంగ్లండ్ జట్టులో లోతైన బ్యాటింగ్ లైనప్ ఉండటంతో బుమ్రా(Jasprit Bumrah)ను ప్రారంభ ఓవర్లలోనే పూర్తిగా వినియోగించడం ప్రమాదకరమవుతుందని భావిస్తున్నారు. అందుకే మధ్య ఓవర్లు మరియు చివరి దశలో బుమ్రా బౌలింగ్ కీలకంగా మారవచ్చని చెబుతున్నారు.హ్యారీ బ్రూక్, విల్ జాక్స్ వంటి బ్యాటర్లను ఎదుర్కొనే సమయంలో బుమ్రా అనుభవం భారత్కు ఉపయోగపడే అవకాశం ఉందని విశ్లేషిస్తున్నారు.
Read Also: వృషకర్మతో చైతూకి కెరీర్ బెస్ట్ హిట్ ఇస్తా : కార్తీక్ దండు
Follow Us On: Instagram
