భారతదేశానికి మరో అంతర్జాతీయ గౌరవం దక్కింది. 2030 కామన్వెల్త్ క్రీడలు(Commonwealth Games) నిర్వహించే హక్కులను భారత్ సొంతం చేసుకుంది. స్కాట్లాండ్‌లోని గ్లాస్గోలో జరిగిన కామన్వెల్త్ స్పోర్ట్స్ ఎగ్జిక్యూటివ్ బోర్డు సమావేశంలో ఈ నిర్ణయం తీసుకున్నారు. ఈ సందర్భంగా అహ్మదాబాద్‌ను అధికారికంగా ఆతిథ్య నగరంగా ప్రకటించారు. దీంతో భారతదేశం 20 సంవత్సరాల తర్వాత మళ్లీ కామన్వెల్త్ గేమ్స్‌కి వేదికవుతోంది. చివరిసారిగా 2010లో న్యూఢిల్లీ ఈ క్రీడలను నిర్వహించింది. ఆ క్రీడల్లో భారత అథ్లెట్లు 38 బంగారు పతకాలను సహా మొత్తం 101 పతకాలు సాధించి దేశానికి చారిత్రాత్మక విజయాన్ని అందించారు.
2030 గేమ్స్‌ను అహ్మదాబాద్‌(Ahmedabad)లో నిర్వహించేందుకు ఏర్పాట్లు ఇప్పటికే వేగవంతమయ్యాయి. అథ్లెట్లు, అధికారులు, అంతర్జాతీయ సందర్శకులకు ప్రపంచ స్థాయి సదుపాయాలు అందించేందుకు భారీ ప్రణాళికలు అమల్లో ఉన్నాయి. 2030 కామన్వెల్త్ క్రీడల(Commonwealth Games) ఆతిథ్యం భారత్‌కు అంతర్జాతీయ క్రీడా రంగంలో మరో కీలక ముందడుగు. ఈ నిర్ణయం దేశంలో క్రీడలు, మౌలిక వసతులు, పర్యాటక రంగానికి భారీ ఊతం ఇచ్చే అవకాశం ఉంది.
Read Also: యాంకర్ శివజ్యోతిపై జీవిత కాల నిషేధం
Follow Us on: Youtube
