కోలీవుడ్ స్టార్ డైరెక్టర్, నేషనల్ అవార్డు గ్రహీత వెట్రిమారన్ దర్శకత్వంలో టాప్ స్టార్ శింబు (STR) హీరోగా తెరకెక్కిస్తున్న సినిమా ‘అరసన్(Arasan)’పై అప్పటికే భారీ హైప్ ఉంది. ఇది శింబు కెరీర్లో 49వ సినిమా కూడా. దీంతో అభిమానులు ఈ సినిమాపై చాలా అంచనాలు పెట్టుకున్నారు. ‘అరసన్’ అంటే “రాజు” అని అర్థం. ఈ చిత్రాన్ని అనౌన్స్ చేస్తూ రిలీజ్ చేసిన టైటిల్ పోస్టర్ కూడా ఫ్యాన్స్లో హైప్ పెంచింది. ఈ పోస్టర్లో శింబు వింటేజ్ లుక్లో ఉన్నాడు. అతని చేతిలో కత్తి, పక్కనే సైకిల్, రక్తంతో తడిసిన చేతులు.. ఇవన్నీ చూసిన ఫ్యాన్స్.. ఇది కచ్చితంగా వెట్రిమారన్ మార్క్ యాక్షన్ డ్రామా అని ఫీలవుతున్నారు. ఈ సినిమా ‘వాడ చెన్నై యూనివర్స్’ లో భాగం అని కూడా కొందరు అంటున్నారు. ఈ చిత్రంలో హీరోయిన్గా సమంతను తీసుకుంటారని ప్రచారం జరుగుతోంది. ఈ భారీ ప్రాజెక్ట్కు సంగీతాన్ని అనిరుధ్ అందిస్తున్నారు. ప్రస్తుతం ఈ సినిమా షూటింగ్ వేగంగా జరుగుతోంది.
ఇప్పుడు ఈ మూవీ మీద హైప్ని రెట్టింపు చేసే సంచలన అప్డేట్ వచ్చింది. ‘అరసన్(Arasan)’ చిత్రంలో మరో స్టార్ హీరో ఎంట్రీ ఇస్తున్నట్లు మేకర్స్ ప్రకటించారు. అతనే వెర్సటైల్ స్టార్ విజయ్ సేతుపతి. ఈ పాత్ర పెద్దదా చిన్నదా అన్నది పక్కన పెడితే, ఆయన ఏ రోల్లో అయినా పూర్తిగా ఇమిడిపోతారనే సంగతి తెలిసిందే. ‘అరసన్’లో విజయ్(Vijay Sethupathi) గెటప్ని రివీల్ చేస్తూ రిలీజ్ చేసిన పోస్టర్ చూసిన ఫ్యాన్స్ తెగ ఎగ్జయిట్ అవుతున్నారు. వెట్రిమారన్ – శింబు – విజయ్ సేతుపతి కాంబో స్క్రీన్ మీద రెచ్చిపోవడం ఖాయమని ఫీలవుతున్న ఫ్యాన్స్.. ఈ సినిమా కోసం ఆసక్తిగా ఎదురు చూస్తున్నారు.
Read Also: “తెలుసు కదా” కథ దొంగిలించారు.. యువకుడి సంచలన ఆరోపణ
Follow Us on : Pinterest
