మావోయిస్టు అగ్రనేత హిడ్మా ఎన్కౌంటర్(Hidma Encounter)పై మొదటి నుంచి అనుమానాలు వ్యక్తమవుతున్న విషయం తెలిసిందే. బూటకపు ఎన్కౌంటర్ అంటూ మావోయిస్టు పార్టీ, ప్రజాసంఘాలు ఆరోపిస్తున్నాయి. విజయవాడలో అరెస్ట్ చేసి తీసుకెళ్లి కాల్చి చంపారరని వారు చెబుతున్నారు. అయితే తాజాగా ఈ ఎన్‌కౌంటర్‌పై ప్రశ్నలు లేవనెత్తుతూ న్యాయవాది కె విజయ్ కిరణ్ ఎన్‌హెచ్‌ఆర్‌సీని ఆశ్రయించారు. ఎన్కౌంటర్ ఫేక్ అయ్యి ఉండే అవకాశం ఉందని, అందువల్ల దీనిపై స్వతంత్రంగా, పారదర్శకంగా, తటస్థ సంస్థలతో సమగ్ర దర్యాప్తు జరపాలని ఆయన ఫిర్యాదులో పేర్కొన్నారు.
ఎఫ్‌ఐఆర్‌లలో అనుమానాస్పద అంశాలు
విజయ్ కిరణ్ తన ఫిర్యాదులో ఎఫ్‌ఐఆర్ వివరాలు అనుమానాస్పదంగా ఉన్నాయని పేర్కొన్నారు. ఎన్హెచ్ఆర్సీ గైడ్‌లైన్స్ ప్రకారం ఎన్‌కౌంటర్‌లో పాల్గొన్న పోలీసులపై ప్రత్యేక ఎఫ్‌ఐఆర్ నమోదు కావాల్సి ఉండగా అది జరగలేదని, దర్యాప్తు పూర్తిగా స్వతంత్ర అధికారుల ద్వారా జరగాల్సి ఉండగా, అదే విభాగం పోలీసులు చేపట్టడం నిబంధలకు విరుద్ధమని అన్నారు.
నిజాలు ప్రజల ముందు పెట్టాలి
“హిడ్మా ఎన్కౌంటర్(Hidma Encounter)పై అన్ని వివరాలు, సాక్ష్యాలు ప్రజలకు వెల్లడించాలి. ఎన్కౌంటర్ నిజమైనదే అయితే ప్రభుత్వం నిర్భయంగా ఆధారాలను చూపాలి. కానీ ఇది ఫేక్ ఎన్‌కౌంటర్‌గా తేలితే, అది ప్రభుత్వ వ్యవస్థ చేసిన చారిత్రక తప్పిదంగా భావించాలి” అని న్యాయవాది వ్యాఖ్యానించారు.
చట్టాన్ని చేతుల్లోకి తీసుకోవడం మావోయిస్టులైనా, పోలీసులైనా నేరమే. ఎవరూ చట్టానికి పైబడి ఉండరు అని స్పష్టం చేశారు. విజయ్ కిరణ్ ఫిర్యాదు తర్వాత ఈ అంశంపై ఎన్హెచ్ఆర్సీ అధికారికంగా దర్యాప్తు ఆదేశిస్తుందా? లేదా? విషయంపై ఇంకా స్పష్టత లేదు. అయితే ఈ ఫిర్యాదు నమోదుతో హిడ్మా ఎన్కౌంటర్ ఇప్పుడు జాతీయ మీడియాలో చర్చ జరగనున్నది. ఎన్‌కౌంటర్‌పై వస్తున్న కథనాలు, వివరాలు ప్రజల్లో సందేహాలను పెంచుతున్నాయి.
Read Also: తిలక్ వర్మ్‌ను ఆ స్థానంలో ఆడించాలి: ఇర్ఫాన్ పఠాన్
Follow Us on: Youtube
