హైదరాబాద్‌లోని ఈఎస్ఐ హాస్పిటల్(Sanath Nagar ESI) వద్ద ఘోర ప్రమాదం చోటుచేసుకుంది. నిర్మాణంలో ఉన్న ఈఎస్ఐ ఆసుపత్రి భవనంలోని రెండో అంతస్తులో సెంట్రింగ్ స్ట్రక్చర్ ఒక్కసారిగా కుప్పకూలింది. ఈ ప్రమాదంలో ముగ్గురు కార్మికులు అక్కడికక్కడే మృతి చెందారు. కాంక్రీటు స్లాబ్ వేసే ముందు ఉపయోగించే ఇనుప సెంట్రింగ్ సడన్‌గా కూలిపోవడంతో కార్మికులు అందులో చిక్కుకున్నారు. ప్రమాదం జరిగిన వెంటనే తోటికార్మికులు, స్థానికులు పరుగులు తీశారు. మెటల్ స్ట్రక్చర్ బరువుగా ఉండటంతో కుప్పకూలినట్టు ప్రాథమికంగా పోలీసులు నిర్ధారించారు.
Sanath Nagar ESI | సమాచారమందుకున్న పోలీసులు, డిజాస్టర్ రెస్పాన్స్ టీములు చేరుకుని మృతదేహాలను బయటకు తీశాయి. నిర్మాణ సంస్థ సేఫ్టీ ప్రమాణాలను పాటించిందా? సెంట్రింగ్ సరిగా అమర్చారా? లేదా? అన్న అంశాలపై పోలీసులు దర్యాప్తు ప్రారంభించారు. నిర్మాణ పనుల్లో నిర్లక్ష్యం కారణమైందా అన్న కోణాన్ని కూడా పరిశీలిస్తున్నారు. ఈ దుర్ఘటనతో విషాదం నెలకొంది. మృతుల వివరాలను గుర్తించే పనిలో అధికారులు ఉన్నారు. ప్రమాదానికి గల కారణంపై పూర్తి వివరణ త్వరలో వెలువడే అవకాశం ఉంది.
Read Also: శబరిమల వెళ్ళేవారు ఈ జాగ్రత్తలు పాటిస్తే ప్రమాదం ఉండదు
Follow Us on : Pinterest
