కలం, వెబ్ డెస్క్: టీమిండియా మాజీ, ప్రస్తుత క్రికెటర్ల విడాకుల పర్వం కొనసాగుతోంది. ఇప్పటికే హార్థిక్ పాండ్యా, మహ్మద్ షమీ, శిఖర్ ధావన్ విడాకులు తీసుకోగా.. ఇప్పుడు ఈ జాబితాలోకి స్పిన్నర్ రాహుల్ చాహర్ (Rahul Chahar) చేరాడు. భార్య ఇషానీ జోహర్తో విడిపోనున్నట్లు ప్రకటించాడు. ఈ మేరకు ఇన్స్టాగ్రామ్ ఖాతాలోశుక్రవారం స్వయంగా వెల్లడించాడు.
రాహుల్కు 22 ఏళ్ల వయసులో 2022 మార్చి 9న ఇషానీతో వివాహమైంది. వీళ్ల పెళ్లి జరిగి వచ్చే నెలకు నాలుగో వార్షికోత్సవం కానుంది. ఈ సమయంలో హఠాత్తుగా విడాకుల విషయం వెల్లడించి అందరినీ ఆశ్చర్యంలో ముంచెత్తాడు. గత 15 నెలలుగా తన దాంపత్య జీవితంలో ఎన్నో ఒడిదొడుకులు, కష్టాలు ఎదుర్కొన్నట్లు రాహుల్ పేర్కొన్నాడు.
టీమిండియా తరఫున 2021లో చివరిసారి కనిపించిన రాహుల్(Rahul Chahar) ఆ తర్వాత తిరిగి చోటు దక్కించుకునేందుకు ప్రయత్నిస్తున్నాడు. రాబోయే ఐపీఎల్లో సీఎస్కే తరఫున ఆడనున్నాడు. అంతకుముందు సీజన్లో ఎస్ఆర్హెచ్ టీమ్ తరఫున ఆడాడు
