వీసా నిబంధనల్లో అమెరికా చేసిన మార్పులు ఓ భారత వైద్యురాలి ఆత్మహత్యకు కారణమైంది. వీసా రద్దు కావడంతో రోహిణ అనే వైద్యురాలు(Doctor Rohini) తన నివాసంలో బలవన్మరణానికి పాల్పడింది. గుంటూరు(Guntur)కు చెందిన కాకు రోహిణి(38).. కిర్గిస్థాన్‌లో ఎంబీబీఎస్ పూర్తి చేసుకుంది. మూడు సంవత్సరాల క్రితం హెచ్‌-1బీ వీసాపై అమెరికాకు వెళ్లింది. అక్కడ ప్రముఖ ఆసుపత్రిలో ఉద్యోగం పొందే దిశగా మూడు దశల వైద్య పరీక్షల్లో మంచి మార్కులు సాధించింది. అదే క్రమంలో మూడు సార్లు అబ్జర్వర్‌షిప్ పూర్తి చేసి, చివరకు రెసిడెన్సీ ప్రోగ్రామ్‌‌కు కూడా ఎంపికయింది.
అయితే కుటుంబసభ్యులను చూసుకోవడానికి గత మేలో భారత్‌కు వచ్చిన రోహిణి.. తిరిగి అమెరికా వెళ్లేందుకు వీసా అప్‌గ్రేడ్‌కు ప్రయత్నాలు స్టార్ట్ చేసింది. కానీ ఇంతలోనే అమెరికాలోని ట్రంప్ ప్రభుత్వం వీసా నిబంధనలు కఠినతరం చేయడంతో హెచ్‌-1బీని జే-1 వీసాగా అప్‌గ్రేడ్ చేసుకునేందుకు దరఖాస్తు చేసింది. అయితే ఈ దరఖాస్తును అమెరికా తిరస్కరించింది.
ఈ వీసా తిరస్కరణ(US Visa Rejection)తో తీవ్ర మనోవేదనకు గురైన రోహిణి(Doctor Rohini), ఈ నెల 22న హైదరాబాద్‌లోని తన నివాసంలో నిద్ర మాత్రలు మింగి ఆత్మహత్యకు పాల్పడింది. అప్పటికే గుర్తించిన కుటుంబసభ్యులు ఆసుపత్రికి తరలించినా ప్రయోజనం లేకపోయింది. ఆమె మరణం కుటుంబీకులకు శోకసంద్రంలో ముంచేసింది.
Read Also: సుప్రీంకోర్టు నూతన సీజేఐగా జస్టిస్‌ సూర్యకాంత్‌ ప్రమాణం
Follow Us on : Pinterest
