కలం, వెబ్డెస్క్: రేప్ కేసులో కాంగ్రెస్ ఎమ్మెల్యేను పోలీసులు అరెస్ట్ చేశారు. కేరళ కాంగ్రెస్కు చెందిన ఎమ్మెల్యే రాహుల్ మమ్కూటథిల్ (Rahul Mamkootathil) పై ఇటీవల అత్యాచార ఆరోపణలు వచ్చిన సంగతి తెలిసిందే. మొదట ఓ నటి, ఆ తర్వాత మరో యువతి ఆరోపణులు చేయగా, వాటిలో రాహుల్ ముందస్తు బెయిల్ తెచ్చుకున్నారు. అయితే, ఇటీవల రాహుల్పై మరో యువతి ఆరోపణలు చేసింది. ఈ కేసులో ముందస్తు బెయిల్ కోసం రాహుల్ ప్రయత్నాల్లో ఉండగానే ఆదివారం అతడిని పోలీసులు అరెస్ట్ చేశారు. పాలక్కాడ్లోని ఓ హోటల్లో ఉన్న రాహుల్ మమ్కూటథిల్ను అరెస్టు చేసినట్లు పోలీసులు వెల్లడించారు. కాగా, వరుస రేప్ ఆరోపణలు, కేసుల నేపథ్యంలో రాహుల్ను ఇంతకుముందే కాంగ్రెస్ పార్టీ సస్పెండ్ చేసింది. మరోవైపు రాహుల్ బాధితులు ఇంకా ఎంతమంది ఉన్నారో అనే చర్చ కేరళలో నడుస్తోంది.
Read Also: సోమనాథ్ ఆలయంలో ప్రధాని మోడీ శౌర్యయాత్ర
Follow Us On : WhatsApp
