పంజాబ్​ లో కుప్పకూలిన ఇనుప వంతెన

కలం, వెబ్​ డెస్క్​: పంజాబ్​ లో భారీ ప్రమాదం తప్పింది. బాక్రా కాలువ(Bhakra Canal)పై నిర్మించిన ఇనుపవంతెన గురువారం తెల్లవారుజామున అకస్మాత్తుగా కుప్పకూలింది (Punjab Bridge Collapse). పాటియాలా-సంగ్రూర్ జాతీయ రహదారిపై ఉన్న వంతెన పాసియానా గ్రామం సమీపంలో ట్రక్కులు దాటుతుండగా ప్రమాదం చోటు చేసుకుంది. ఘటనలో రెండు భారీ లారీలు వంతెనతో పాటు కాలువలో వేలాడుతున్నాయి. ఆ తరువాత ఒక ట్రక్కులో మంటలు చెలరేగడంతో భయాందోళనలు నెలకొన్నాయి.

సమాచారం అందుకున్న పోలీసులు, అగ్నిమాపక సిబ్బంది హుటాహుటిన ఘటనా స్థలికి చేరుకుని సహాయ చర్యలు ముమ్మరం చేశారు. ట్రక్కులో చెలరేగిన మంటలను అదుపులోకి తీసుకువచ్చేందుకు ఫైర్​ సేఫ్టీ బృందం శ్రమించింది. అలాగే, లారీల్లో ఉన్న ఇద్దరు డ్రైవర్లను సహాయ బృందాలు సురక్షితంగా రక్షించాయి. ఈ ప్రమాదంలో ఎలాంటి ప్రాణ నష్టం జరగకపోవడంతో అధికారులకు ఊరట కలిగింది.

కాగా, వంతెన కూలిపోవడంతో (Punjab Bridge Collapse) ఆ దారిలో వాహనాలను​ నిలిపివేసిన పోలీసులు రాకపోకలు బంద్​ చేశారు. పక్కనే ఉన్న మరో బ్రిడ్జి ద్వారా ప్రయాణానికి అవకాశం కల్పించారు. అయితే, గతంలో ఈ బ్రిడ్జికి పగుళ్లు వచ్చినట్లు వార్తలు వెలువడ్డాయి. ఈ క్రమంలోనే ఒక్కసారిగా కుప్పకూలిపోంది. దీంతో వంతెనను నిర్మించి పదేళ్లు గడవక ముందే కూలిపోవడంతో విమర్శలు వస్తున్నాయి. ప్రమాదానికి గల కారణాలపై పోలీసులు దర్యాప్తు చేపట్టారు.

Also Read : ఎయిర్‌పోర్టులో కలకలం: టెర్మినల్‌లోకి చొరబాటుకు వ్యక్తి యత్నం!

Follow Us On : WhatsApp

మ‌రిన్ని వార్త‌ల కోసం మా వాట్స‌ప్ ఛాన‌ల్ ఫాలో అవ్వండి

లేటెస్ట్ న్యూస్‌

Read More Latest News >>

ఎక్స్‌క్లూజివ్‌

Read More Exclusive Stories >>