కలం, పెంబి: నిర్మల్ (Nirmal) జిల్లా పెంబి మండలం మందపల్లి గ్రామానికి చెందిన దేశవేణి లక్ష్మి నూతన ఇందిరమ్మ ఇంటి గృహప్రవేశ కార్యక్రమానికి శనివారం ఖానాపూర్ ఎమ్మెల్యే (Khanapur MLA) వెడ్మ బొజ్జు పటేల్ (Vedma Bojju Patel) హాజరయ్యారు. ఈ సందర్భంగా నూతన గృహాన్ని సందర్శించి కుటుంబ సభ్యులకు శుభాకాంక్షలు తెలిపారు.
వారు నూతన ఇంటిలో సుఖసంతోషాలతో జీవించాలని ఆకాంక్షించారు. ఈ సందర్భంగా ఎమ్మెల్యే మాట్లాడుతూ.. పేద మధ్యతరగతి కుటుంబాల సొంతింటి కలను సాకారం చేయడమే లక్ష్యంగా ప్రజా ప్రభుత్వం ఇందిరమ్మ ఇళ్ల పథకాన్ని అమలు చేస్తోందన్నారు. అర్హులైన ప్రతి కుటుంబానికి పక్కా ఇల్లు అందించేందుకు ప్రభుత్వం కృషి చేస్తోందని తెలిపారు.
