కలం స్పోర్ట్స్: టీమిండియా స్టార్ ప్లేయర్ విరాట్ కోహ్లీ (Virat Kohli) మరో వరల్డ్ రికార్డ్ సృష్టించాడు. తాజాగా ఐసీసీ ప్రకటించిన టాప్ బ్యాటర్స్ లిస్ట్లో కోహ్లీ రెండో స్థానంలో నిలిచాడు. సంవత్సరాన్ని టాప్–2లో 10 సార్లు ముగించిన తొలి ఆటగాడిగా కోహ్లీ చరిత్ర సృష్టించాడు. ఇప్పటివరకు ఈ రికార్డును వివ్ రిచర్డ్స్, షాన్ పొల్లాక్తో కలిసి కోహ్లీ షేర్ చేసుకున్నాడు. ఇప్పుడు మాత్రం సింగిల్గా అగ్రస్థానంలో నిలిచాడు. విరాట్ 2017 నుంచి 2020 వరకు వరుసగా నంబర్ వన్ బ్యాటర్గా నిలవగా, 2013 నుంచి 2016 వరకు, అలాగే 2021, 2025 సంవత్సరాల్లో రెండో స్థానంతో సంవత్సరం ముగించాడు.
డిసెంబర్లో సౌతాఫ్రికాతో జరిగిన వన్డే సిరీస్లో రెండు శతకాలు, ఒక అర్ధశతకంతో 302 పరుగులు చేసిన విరాట్ ర్యాంకింగ్స్లో భారీ ఎగబాకాడు. టెస్టులకు ఈ ఏడాది, టీ20లకు అంతకుముందే రిటైర్మెంట్ ప్రకటించిన విరాట్.. వన్డేల్లో మాత్రం అద్భుతంగా రాణించాడు. కేవలం 13 మ్యాచ్ల్లో 3 శతకాల సాయంతో 651 పరుగులు సాధించాడు. ఇక 2025ను ఐసీసీ వన్డే నంబర్ వన్ బ్యాటర్గా భారత కెప్టెన్ రోహిత్ శర్మ ముగించగా, అతడికి విరాట్కు (Virat Kohli) మధ్య కేవలం 8 రేటింగ్ పాయింట్ల తేడా మాత్రమే ఉంది.
Read Also: 20వ ప్రపంచ చెస్ టైటిల్ గెలిచిన మాగ్నస్ కార్ల్సెన్
Follow Us On : WhatsApp
