కలం, వెబ్డెస్క్: బంగ్లాదేశ్లో (Bangladesh) షేక్ హసీనా నియోజకవర్గం నుంచి ఒక హిందూ నేత (Hindu leader) పోటీ చేయనున్నారు. బంగ్లాలో అల్లర్ల కారణంగా పదవి నుంచి దిగిపోయిన మాజీ ప్రధాని షేక్ హసీనా (Sheikh Hasina) భారత్లో తలదాచుకుంటున్న సంగతి తెలిసిందే. ఆ తర్వాత మహ్మద్ యూనస్ నేతృత్వంలో తాత్కాలిక ప్రభుత్వం కొలువుదీరింది. వచ్చే ఫిబ్రవరిలో దేశ పార్లమెంట్కు ఎన్నికలు జరిపేందుకు తాత్కాలిక ప్రభుత్వం ఇటీవల నిర్ణయించింది.
ఈ క్రమంలో షేక్ హసీనా (Sheikh Hasina) స్థానమైన గోపాల్గంజ్–3(కొటాలీపార–తుంగిపార) ఎంపీ స్థానం నుంచి హిందూ నేత గోబింద చంద్ర ప్రమాణిక్ (Gobinda Chandra Pramanik) స్వతంత్ర అభ్యర్థిగా పోటీకి దిగారు. ఈ మేరకు బుధవారం ఎన్నికల సిబ్బంది నుంచి నామినేషన్ పత్రాలు తీసుకున్నారు. గోబింద చంద్ర ప్రమాణిక్ న్యాయవాది. అలాగే బంగ్లాలో హిందువుల కోసం పనిచేసే ‘బంగ్లాదేశ్ జాతీయ హిందూ మొహజాతే’ స్వచ్ఛంద సంస్థకు జనరల్ సెక్రెటరీగా పనిచేస్తున్నారు.
Read Also: హైదరాబాద్ శివారులో దారుణం.. యువకుడి గొంతు కోసి హత్య
Follow Us On: Sharechat
