కలం, స్పోర్ట్స్ : ఆస్ట్రేలియా మాజీ టెస్ట్ బ్యాటర్ విల్ పుకోవ్స్కీ (Will Pucovski) కీలక న్యాయపోరాటం మొదలుపెట్టారు. తన తొలి కన్కషన్కు మెల్బోర్న్లోని బ్రైటన్ గ్రామర్ స్కూల్ బాధ్యత వహించాల్సి ఉందని ఆయన ఆరోపించారు. 2014లో పుకోవ్స్కీ 16 ఏళ్ల వయసులో స్కూల్ ఫుట్బాల్ ట్రైనింగ్లో తీవ్రంగా గాయపడ్డారు. తలకు బలమైన దెబ్బ తగలడంతో ఆయన స్పృహ కోల్పోయారు. అయితే గాయం తర్వాత కొద్దిసేపటికే ఆయన మళ్లీ ట్రైనింగ్లో పాల్గొన్నారని న్యాయపత్రాల్లో పేర్కొన్నారు. ఆ తర్వాత పుకోవ్స్కీకి తలనొప్పి, చూపు సమస్యలు వంటి ఇబ్బందులు మొదలయ్యాయి. ఆసుపత్రిలో చికిత్స కూడా తీసుకున్నారు.
ఈ గాయమే తన కెరీర్లో ఎదురైన 13 కన్కషన్లలో మొదటిదని పుకోవ్స్కీ చెబుతున్నారు. ఆ తర్వాత వరుస తల గాయాలు ఆయన క్రికెట్ కెరీర్ను తీవ్రంగా ప్రభావితం చేశాయి. 2024లో విక్టోరియా తరఫున ఆడుతున్న సమయంలో మరోసారి తలకు బంతి తగిలింది. అది ఆయనకు చివరి తీవ్రమైన కన్కషన్గా మారింది. వైద్య నిపుణుల సూచనలతో పుకోవ్స్కీ 2025 ఏప్రిల్లో 27 ఏళ్ల వయసులో ప్రొఫెషనల్ క్రికెట్కు రిటైర్మెంట్ ప్రకటించారు.
2021లో భారత్పై సిడ్నీ టెస్టుతో పుకోవ్స్కీ ఆస్ట్రేలియా తరఫున టెస్టు అరంగేట్రం చేశారు. ఆ మ్యాచ్ తొలి ఇన్నింగ్స్లో 62 పరుగులు చేశారు. ప్రస్తుతం 2014 గాయానికి సంబంధించి పుకోవ్స్కీ న్యాయపోరాటం చేస్తున్నారు. అయితే కేసులో చేసిన ఆరోపణలు ఇంకా కోర్టులో నిర్ధారణ కాలేదు. బ్రైటన్ గ్రామర్ కూడా తన వాదనను కోర్టులో సమర్పించాల్సి ఉంది.
